Piaskoŭ prakamientavaŭ paviedamleńni Hardona pra «histaryčnuju sustreču» 30 śniežnia
U Kramli adreahavali na paviedamleńni ŭkrainskich ŚMI pra nibyta płany 30 śniežnia pravieści «histaryčnuju sustreču» pa mirnym urehulavańni.
«Mižnarodnych kantaktaŭ pa mirnym urehulavańni na 30 śniežnia ŭ hrafiku prezidenta niama. Pieradumoŭ dla zaviaršeńnia kanfliktu ŭ Kramli pakul taksama nie bačać», — pieradaje słovy Dźmitryja Piaskova telehram-kanał kramloŭskaha puła «RIA Novosti».
Napiaredadni ŭkrainski žurnalist Dźmitryj Hardon zajaviŭ, što 30 śniežnia pavinna adbycca «histaryčnaja sustreča», jakaja nibyta skončyć haračuju fazu vajny.
«Siońnia ŭ nas 29 śniežnia 2024 hoda. Ja jašče raz paŭtaraju, haračaja faza vajny zavieršycca sioleta. Mnie skažuć: «Ty z hłuzdu źjechaŭ — da kanca hoda zastałosia dva dni faktyčna!» Nie, siabry, z hłuzdu ja nie źjechaŭ. U mianie jość infarmacyja», — skazaŭ Hardon.
Taksama ŭ Rasii patłumačyli palot zahadkavaha śpiecborta z Rasii ŭ ZŠA: Ił-96-300 z bartavym numaram RA-96023, jaki naležyć da śpiecyjalnaha lotnaha atrada «Rasija», prylacieŭ u Ńju-Jork 26 śniežnia, a zatym nakiravaŭsia ŭ Vašynhton. 28 śniežnia samalot viarnuŭsia ŭ Rasiju, vynikaje sa źviestak FlightRadar24. Palot kanśpirałahična tłumačyli tajemnymi pieramovami z Vašynhtonam.
Aficyjnaja pradstaŭnica MZS Maryja Zacharava zajaviła RBK, što palot źviazany z ratacyjaj dypłamataŭ.
«Čarhovaja ratacyja dypłamataŭ», — paviedamiła jana.
Ciapier čytajuć
Jak asabistaja doktarka Łukašenki vučyć biełarusaŭ canić radzimu, a sama skuplaje luks i adpačyvaje na Błakitnym Bierazie ŠMAT FOTA49
Jak asabistaja doktarka Łukašenki vučyć biełarusaŭ canić radzimu, a sama skuplaje luks i adpačyvaje na Błakitnym Bierazie ŠMAT FOTA
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny44
Kamientary