Chalezin parazvažaŭ pra fienomien łukašyzmu: Usie my ździvimsia, jak imhnienna zabuduć pra Łukašenku
Viadomy režysior Mikałaj Chalezin u novym vypusku TOKu daŭ prahnoz pra budučaje miesca Alaksandra Łukašenki ŭ pamiaci ludziej.
Adkazvajučy na pytańnie ab tym, ci sfarmiravaŭsia za dziesiacihodździ łukašenkaŭskaj epochi «homa łukašenkus» — kštałtu taho, jak utvaryŭsia «homa savietykus», — Mikałaj Chalezin vykazaŭ upeŭnienaść, što takoha «nie isnuje i nie moža isnavać».
Jak tłumačyć režysior, «homa savietykus» — heta pradukt sistemy, jakaja «była adnoj z dvuch samych vialikich sistem na płaniecie» i mieła dakładnuju ideałohiju, jakaja była vybudavana «pačynajučy ad dziacinstva, kali ty akciabronak, i zakančvajučy madelami adzieńnia, jakija možna nasić, a jakija nielha».
«U Łukašenki ideałohija typu «lubicie mianie». (…) U Łukašenki niama ničoha, što b jon moh prapanavać.
Choć savieckaja ideałohija baziravałasia na vučeńniach, jakija mieli svaje chiby, ale heta byli realna vučeńni. Leninizm, trackizm i inšaje — heta ŭsio byli vučeńni, vialikija, hłabalnyja. (…) I Amieryka była adzinaja, tamu što jana supraćstajała saŭku. Heta była baraćba dźviuch vializnych sistem.
Ciapier hetaha niama, niama sistemy. Pucin taksama nie moža stvaryć. U Pucina ideałohija zaraz heta «my ŭsim nakidajem», — davodzić Chalezin.
«Homa łukašenkus» — jaho nie budzie. Bolš za toje, i ty, i ja, i ŭsie my ździvimsia, jak imhnienna zabuduć pra Łukašenku, imhnienna», — vykazvaje ŭpeŭnienaść režysior i pryvodzić u jakaści prykładu Nazarbajeva.
«Naša siabroŭka ŭ Łondanie, kazaška, raskazała, jak pra Nazarbajeva zabylisia. Viečaram jaho nie stała [na pasadzie], a rankam pra jaho zabylisia. Naohuł niecikava, kaža, nichto nie abmiarkoŭvaje ŭvohule.
Ja pytaju, a dzie Nazarbajeŭ? Jana kaža, «dy ja nie viedaju, mnie pofih, dzie jon. Choć dzie. Moža, u Emiratach žyvie. Nu niachaj žyvie, mnie ŭsio roŭna». I heta praŭda, tamu što hetyja ludzi, jak tolki jany pierastajuć nas dubinkami dubasić, jany nas bolš paśla hetaha [nie cikaviać]».
Chalezin kaža, što ŭ 2020-m jon byŭ prychilnikam idei «dać Łukašenku samalot, zahruzić tudy jamu hrošaj, harełki, i ŭvieś tabar, kab jon palacieŭ»: «Kudy palacieŭ — usio roŭna, navat nie budu hladzieć na karcie, kudy jon lacić».
Hladzicie całkam:
Navošta Piatkievič viarnuli ŭ Administracyju Łukašenki? Viersija Chalezina
Chalezin: Samyja vialikija hanieńni na Svabodny teatr byli pry Łatušku. Ale jamu nie treba kajacca pierada mnoju
«Čarniecki dumaje, što słucki pojas — papruha, jakoj jaho bacia łupcavaŭ u dziacinstvie» — Chalezin pra novaha ministra kultury
Turarbiekava raskazała, čym Nazarbajeŭ padobny da Łukašenki
Ciapier čytajuć
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie42
Kamientary