Błohier Jaŭhien Milto vyrašyŭ pakaštavać samuju horšuju šaurmu ŭ Minsku (pa vodhukach na «Jandeks Kartach»). Nasamreč tak niasmačna?
Videa błohier vykłaŭ na svaim jutub-kanale.
Pieršaje miesca, kudy jon pajšoŭ, — «El Doner». Rejtynh — 1,9 zorki. U kamientarach skardzilisia na chamskaje absłuhoŭvańnie i kašmarny smak.
Błohier uziaŭ šaurmu za 8 rubloŭ.
«Vielmi šmat kapusty, miasa ledźvie bačnaje pakul, ale nie nastolki ahidna, kab pastavić adzin bał», — kamientuje jon. Sous pachvaliŭ.
Ahułam bolš-mienš, rašyŭ chłopiec.
Nastupny punkt — Doner House u handlovym centry «Halereja» z 2,2 zorki. «Škada tuju karovu, jakaja pamierła dziela hetaj šaurmy», — pisali ŭ kamientarach.
Tam błohier uziaŭ šaurmu za 10,9 rubla. Praŭda, z kurycaj.
«Pry pieršym ukusie było i miasa, i nie tak šmat kapusty, jak pra heta pisali. Vielmi mnoha było samoha prasnaka. Sousu było šmat», — raskazvaje jon.
Ale paźniej kapusty stała bolej, a sousu niedastatkova, šaurma akazałasia suchaja. Błohier pastaviŭ by joj 3,5 bała.
Apošni prypynak — kijosk «Šaurma Kava» ŭ pierachodzie čyhunačnaha vakzała. Rejtynh 1,3 zorki.
«Vam smačnuju?» — spytali ŭ Jaŭhiena, kali jon paprasiŭ šaurmu. Jon uziaŭ «smačnuju» — za 6 rubloŭ.
Užo hatovuju šaurmu absmažyli i addali chłopcu.
«Kali vy daŭno nie jeli kapustu, vam sapraŭdy siudy. Pakul miasa niama», — kamientuje błohier.
Jamu nie spadabałasia, što było šmat słajoŭ łavaša biez načynki, a miasa znajšłosia tolki ŭ siaredzinie.
Kapusta harčyć, kuryca pieravaranaja, łavaš padobny da słojenaha ciesta, apisaŭ vakzalnuju šaurmu chłopiec.
«Ja b nie rekamiendavaŭ jaje jeści», — zaklučyŭ błohier i paćvierdziŭ, što šaurma apraŭdvaje svoj žudasny rejtynh.
Ciapier čytajuć
Łosik raskazaŭ, jak Babaryku katavali ŭ navapołackaj kałonii26
Łosik raskazaŭ, jak Babaryku katavali ŭ navapołackaj kałonii
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1010
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch10
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1111
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»11
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu44
Kamientary
paŭhadziny ržača