Hihin: My pavinny lubić i abaraniać svoj hierb, ściah, himn, Łukašenku — tady nas buduć pavažać u śviecie
Siońnia tak zvany «marafon adzinstva» dabraŭsia da Čyhunačnaha vakzała ŭ Breście.
Vadzim Hihin skazaŭ, što ciapier biełaruskich spartoŭcaŭ sprabujuć prymusić vystupać bieź dziaržaŭnaha ściaha i himna.
«My, biełarusy, pavinny lubić svajo i adstojvać, — pierakanany jon. — Ciapier Biełaruś sprabujuć adsunuć u sporcie, palitycy. My hetaha nie prapuścim, my hetaha nie darujem. My pavinny lubić, adstojvać svajo: svoj hierb, svoj ściah, svoj himn, Łukašenku. I tady nas buduć pavažać u śviecie».
Dyrektar Nacyjanalnaj biblijateki Biełarusi taksama adznačyŭ, što kraina dała jamu šmat. Adnak jon ličyć spraviadlivym pastavić pytańnie inakš. «Jość takaja pieśnia «Što ty zrabiŭ dla Radzimy?». Jana časta hučyć. Heta vielmi pravilnaja pastanoŭka pytańnia. Kali chočaš čaho-niebudź dabicca i čakaješ, što tabie daść kraina, nie fakt, što čaho-niebudź dabješsia. Heta pazicyja, viedajecie, krychu ŭtrymanskaja. Kali ty daješ, pahadziciesia, u luboj spravie (siamja, praca, palityka), to i ludzi tabie addajuć ź liškam», — ličyć Vadzim Hihin.
Daviałosia dałučyć da marafona adzinstva alimpijskuju čempijonku 2004 hoda ŭ bieh na 100 m Juliju Nieściarenku.
«Što dała mnie Radzima? Mahčymaść biaspłatna vučycca, lačycca, zajmacca lubimaj spravaj, vielmi vialikuju padtrymku ŭ ździajśnieńni svajoj mary — dajści da alimpijskaha pjedestała. Dziaržava ŭsio zrabiła, kab usio atrymałasia. Ciapier tak ža padtrymlivaje mianie ŭ žadańni być karysnaj. Słužyć Radzimie atrymlivajecca najpierš praz sacyjalna-dabračynnyja mierapryjemstvy. Dla mianie heta vielmi važna», — skazała jana.
U Łahojsku piekar admaŭlajecca pradavać svoj chleb pakupnikam, u jakich jość sabaki84
Kamientary
heta jana tak marachvon hety nazyvaje - sacyjalna-dabračynnaje mierapryjemstva? dabračynnaje? a što tam - hrošy jašče źbirajuć z naviedvalnikaŭ? i nie Radzimie ta i hihin słužycie, a samiviedajeciekamu