Palitviazień Mikałaj Chiła akazaŭsia supracoŭnikam delehacyi Jeŭrasajuza ŭ Biełarusi
24 krasavika ŭ Minsku byŭ zatrymany prapaviednik jevanhielisckaj carkvy «Dabravieście» Mikałaj Chiła. Spačatku mierkavałasia, što jaho buduć sudzić za abrazu Łukašenki, ale niadaŭna vyjaviłasia, što mužčynu inkryminujucca ciažkija artykuły — raspalvańnie varožaści i zakliki da sankcyj. Ciapier ža staŭ viadomy adzin raniej niepubličny fakt ź jahonaj bijahrafii, jaki moža tłumačyć admysłovuju ŭvahu represiŭnych orhanaŭ da hetaha čałavieka.
Vyśvietliłasia, što Mikałaj Chiła źjaŭlajecca miascovym supracoŭnikam delehacyi ES u Biełarusi. Jeŭrapiejskaja słužba źniešnich suviaziaŭ (EEAS) zapatrabavała jahonaha vyzvaleńnia, paviedamiła vydańnie Politico.
«My zaklikajem biełaruskija ŭłady nieadkładna i biezumoŭna vyzvalić jaho, — zajaviła Anita Chipier, pradstaŭnica ES pa zamiežnych spravach i palitycy biaśpieki. — My ŭzdymali hetaje pytańnie padčas usich kantaktaŭ ź Biełaruśsiu».
Mikałaju Chiłu 41 hod. Jon skončyŭ MDŁU ŭ 2006 hodzie. Mikałaj viadomy najpierš jak pratestancki prapaviednik u carkvie jevanhielskich chryścijanaŭ-baptystaŭ «Dabravieście».
Chiła byŭ zatrymany 24 krasavika 2024 hoda, i pravaabaroncy mierkavali, što jamu inkryminujuć «abrazu Łukašenki». Heta toj artykuł, pa jakim možna abmiežavacca i chimijaj.
Adnak, jak vyśvietliłasia, u vyniku prapaviedniku vystavili abvinavačvańnie pa dvuch artykułach — 130 č. 1 (raspalvańnie varožaści) i 361 č. 3 (zakliki da sankcyj). Pakarańnie pa druhim ź ich praduhledžvaje ad 4 da 12 hadoŭ kałonii.
Praces pačniecca 23 śniežnia ŭ Minskim haradskim sudzie.
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary