«Ciapier jana z humovaha sała, heta žach!» Žančyna kupiła lubimuju kaŭbasu i aburyłasia
Žycharka Pinska paskardziłasia na toje, što sapsavałasia jakaść jaje lubimaj niatannaj kaŭbasy. Jak heta tłumačać na miasakambinacie?
Pinčanka nabyła «Bałkanskuju» kaŭbasu, jakaja kaštuje 34 rubli za pałku.
— Hetaja kaŭbasa zaŭsiody była z salami i kavałačka vialenaha miasa. Ciapier jana ź ćviordaha humovaha sała. Pryčym usia pałka voś takaja. Heta prosta žach! Ja liču, sumleńnie ŭsio ž treba mieć, — aburajecca žančyna ŭ tyktoku.
Za try dni videa nabrała bolš za 600 tysiač prahladaŭ. Mierkavańni kamientataraŭ padzialilisia. Niechta pahadziŭsia ź pinčankaj, što kaŭbasnyja pradukty stali žudasnaj jakaści. Niechta pieŭ ody biełaruskamu miasu. A niechta — jak zaŭsiody — raiŭ zhadać časy SSSR i jakaść praduktaŭ tych časoŭ.
Adzin z kamientataraŭ pažartavaŭ: «Pačakajcie krychu, hod jakaści chutka skončycca». Pinčanka pahadziłasia: «Chutčej by ŭžo, bo ŭsio zanadta jakasnaje».
Čytačka «Našaj Nivy» źviazałasia ź Pinskim miasakambinatam i spytała, čamu pahoršyłasia jakaść «Bałkanskaj» kaŭbasy. Tam udakładnili: u ich asartymiencie jość adrazu dva miasnyja pradukty z takoj nazvaj. Heta «Bałkanski kłasik» i «Bałkanski ź jałavičyny».
Na videa ŭ tyktoku mienavita pieršy pradukt — «Bałkanski kłasik». Hetaja kaŭbasa vyrablajecca z šyjnaj śvinoj častki i śvininy paŭtłustaj. Pa receptury ŭ hetym pradukcie dapuskajecca dola tłuščavych tkanak ad 30% da 50%. Heta źviazana tym, što śvinyja šyi byvajuć roznyja — bolš i mienš tłustyja. Vytvorcy pry składańni receptury heta ŭličvajuć i prapisvajuć pracentnaje adchileńnie.
— Mahčyma, heta nie vaš pradukt, bo vierahodnaść traplańnia 50% tłušču ŭ hetym pradukcie davoli vialikaja, i heta treba razumieć. Pakaštujcie anałahičny pradukt — «Bałkanski ź jałavičyny». Jon mienš tłusty, — paraili na miasakambinacie.
Biełaruska pryviezła na adpačynak u Dubaj poŭny čamadan praduktaŭ
U Polščy adkryłasia sietka kramaŭ, kudy zavoziać biełaruskija tavary. Abiacajuć navat čypsy ŭ płaścinkach
U Słonimie prydumali kaŭbasu z bulbaj fry. I nazvali jaje «Naš bulbaš»
Adzin ź biełaruskich miasakambinataŭ vypuściŭ kaŭbasy z aliŭkami, fistaškami i navat vuhalem
Aryštavany dyrektar Pałaca Respubliki, adzin z arhanizataraŭ Marafona adzinstva9
Kamientary