Tramp zajaviŭ, što vajskoŭcy viedajuć, adkul vylatajuć drony, ale ź niejkaj pryčyny maŭčać
Abrany prezident ZŠA Donald Tramp zajaviŭ, što praz «nieapaznanyja bieśpiłotniki» jon nie pajedzie na svajo pole dla holfa ŭ Ńju-Džersi.
«Jany vielmi, vielmi blizka da Bedminstara. Dumaju, ja, mahčyma, nie praviadu vychodnyja ŭ Bedminstary. Ja vyrašyŭ admianić svaju pajezdku», — skazaŭ Tramp žurnalistam na pres-kanfierencyi ŭ svajoj rezidencyi ŭ Mar-a-Łaha.
«Našy vajskoŭcy viedajuć, i dziejny prezident viedaje, adkul uzialisia hetyja drony, ale ź niejkaj pryčyny jany chočuć trymać ludziej u napružańni», — zajaviŭ abrany prezident ZŠA.
Raniej u dvuch amierykanskich štatach zafiksavali źjaŭleńnie mnostva nieviadomych bieśpiłotnikaŭ nad abjektami infrastruktury i abjektami vajskovaha pryznačeńnia.
Donald Tramp u sacsietcy Truth Social zaklikaŭ źbivać hetyja bieśpiłotniki.
«Pa ŭsioj krainie zaŭvažanyja tajamničyja drony. Niaŭžo heta adbyvajecca bieź viedama našaha ŭrada? Ja tak nie dumaju! Paviedamicie hramadskaści, i nieadkładna. U advarotnym vypadku źbivajcie ich!» — napisaŭ jon.
Tym časam u Biełym domie i Pientahonie zajavili, što bieśpiłotniki nie niasuć pahrozy dla ZŠA. Pradstaŭnik Rady nacyjanalnaj biaśpieki ZŠA Džon Kirbi adznačyŭ, što «mnohija z zaŭvažanych abjektaŭ «vykarystoŭvalisia na «zakonnych padstavach». A namieśnica pres-sakratara Pientahona Sabryna Sinhch zajaviła, što «niama nijakich dokazaŭ» stvareńnia dronaŭ zamiežnaj arhanizacyjaj abo ich pracy «na praciŭnika».
Tramp: Ja mahu pierahledzieć dazvoł Ukrainie bić dalnabojnymi rakietami pa Rasii
«Heta najlepšaja viersija Trampa». Amierykanskaja žurnalistka apisała, jak zamach na Trampa hłyboka źmianiŭ jaho i nadaŭ spakoju
Tramp vystupaje za raźmiaščeńnie jeŭrapiejskich vojskaŭ va Ukrainie dla kantrolu nad budučym pieramirjem
Kamientary