U Hrodnie mocny viecier pavaliŭ užo dźvie navahodnija jełki, u 69 nasielenych punktach prablemy sa śviatłom
Viecier narabiŭ bied jak u abłasnym centry, tak i ŭ dzieviaci rajcentrach.
U Hrodzienskaj vobłaści 16 śniežnia bušuje mocny viecier.
U MNS pastupajuć paviedamleńni ab padzieńni dreŭ i paškodžańni dachaŭ pryvatnych žyłych damoŭ u Hrodnie, Bierastavickim, Voranaŭskim, Vaŭkavyskim, Hrodzienskim, Dziatłaŭskim, Zelvienskim, Iŭjeŭskim, Mastoŭskim i Słonimskim rajonach. U Hrodnie viecier pavaliŭ užo dźvie navahodnija jołki.
Jość infarmacyja i ab abryvach linij elektrapieradačy. Elektrazabieśpiačeńnie parušana ŭ 69 nasielenych punktach Hrodzienskaj vobłaści.
16 śniežnia ŭ pieršaj pałovie dnia najbolš mocnym viecier byŭ u Ašmianach. Tam zarehistravanyja jaho paryvy da 22 m/s. U Navahrudku jany dasiahali 20 m/s, a ŭ Hrodnie — 19 m/s. U astatnich rajonach taksama było vietrana (16-19 m/č).
U takoje nadvorje rekamiendujecca ščylna začynić vokny i dźviery. Z dvara, adkrytych bałkonaŭ i łodžyj varta prybrać haspadarčyja rečy, jakija mohuć nanieści škodu žylla.
Mašynu varta pastavić u haraž, abo pryparkavać dalej ad dreŭ i słaba ŭmacavanych kanstrukcyj. Znachodziačysia na vulicy, varta abychodzić naviasnyja zbudavańni, nadłamanyja halinki dreŭ i linii elektrapieradač. MNS rekamienduje ŭstrymacca ad pajezdak na asabistych aŭtamabilach i praciahłaha znachodžańnia na vulicy.
Ciapier čytajuć
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja17
Kamientary