U Šviecyi abmiarkoŭvajuć źmieny mihracyjnaha zakanadaŭstva adnosna biełarusaŭ
U šviedskim parłamiencie 13 śniežnia, adbylisia debaty adnosna mahčymaści nadańnia prytułku biełaruskim uciekačam. U dyskusii siarod inšych uziali ŭdzieł ministr pa mihracyi Juchan Fašel i deputatka ad apazicyi Karyna Ederbrynk, paviedamlajuć Narodnyja ambasady Biełarusi.
U chodzie debataŭ Karyna Ederbrynk adznačyła, što situacyja, u jakoj biełaruskim uciekačam, jakija ryzykujuć być žorstka represavanymi na radzimie, admaŭlajuć u prytułku, źjaŭlajecca niedapuščalnaj.
Ministr pa mihracyi Juchan Fašel padkreśliŭ, što Mihracyjnaje ahienctva ciapier pravodzić pierahlad svajoj pracy ź biełaruskimi zajaŭnikami, i jaho spravazdača čakajecca ŭ bližejšy čas.
Pradstaŭnik Narodnaj ambasady Biełarusi ŭ Šviecyi Źmicier Vaserman prakamientavaŭ situacyju nastupnym čynam:
«Ja vielmi ŭdziačny deputatcy Karynie Ederbrynk za toje, što jana ŭźniała pytańnie pra niedaskanałuju apracoŭku spraŭ biełaruskich uciekačoŭ.
My nie sumniavajemsia, što ministr Juchan Fašel, urad i ŭsie palityčnyja partyi padzialajuć žadańnie zabiaśpiečyć daskanały pravavy razhlad hetych spraŭ. Ale, na žal, na praktycy heta nie realizavana — nie z-za złoj voli, a z-za praciahłaj niazdolnaści zrazumieć dramatyčnyja źmieny, jakija adbylisia ŭ Biełarusi z 2020 hoda.
Kraina pieratvaryłasia ŭ biesprecedentnuju ličbavuju tyraniju, dzie z dapamohaj štučnaha intelektu tatalitarnaja dziaržava sprabuje kantralavać usie aktyŭnaści hramadzian. Heta ŭklučaje toje, što jany robiać, pišuć u sacyjalnych sietkach, čytajuć, vykazvajuć u pryvatnych paviedamleńniach i navat toje, što jany dumajuć.
My čakajem, što spravazdača Mihracyjnaha ahienctva dapamoža likvidavać hetyja niedachopy».
Ci mohuć biełarusy, jakim Šviecyja admoviła ŭ prytułku, raźličvać na pierahlad rašeńnia? I što budzie z novymi zajavami?
U Brusieli prachodziać Dni Biełarusi
Adbyŭsia pieršy vypadak vydačy pašparta inšaziemca biełarusu ŭ Šviecyi
«Dvojčy atrymlivała pa «šapcy», kali pracavała da 8-9 viečara». Pra što maryć biełaruska ŭ Šviecyi
Dvuchhadovaja biełaruska ŭ Šviecyi pierakuliła na siabie kipień. Maci dziaŭčynki ratuje jaje nožku ŭ Polščy
Što ciapier ź italjanskimi vizami? Masavyja admovy? Turfirmy nazyvajuć alternatyvu6
Što ciapier ź italjanskimi vizami? Masavyja admovy? Turfirmy nazyvajuć alternatyvu
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary