27-hadovy supracoŭnik kryminalnaha vyšuku Dokšyckaha RAUS kiravaŭ bandaj, jakaja ŭ bałakłavach rabavała dalnabojščykaŭ.
Sud Niaśvižskaha rajona pastaviŭ pramiežkavuju kropku ŭ historyi supracoŭnika kryminalnaha vyšuku Dokšyckaha RAUS Michaiła Zhirskaha. Jak stała viadoma «Našaj Nivie», dniami jamu prysudzili 8 hadoŭ kałonii za vymahalnictva i złoŭžyvańnie ŭładaj. Maksimalny termin pa inkryminujemych jamu złačynstvach moh skłaści 20 hadoŭ.
Jaho 27-hadovamu padzielniku i siabru dziacinstva Alaksandru Pierapiečku za toje ž vymahalnictva dali minimalna mahčymyja 5 hadoŭ.
Prysud nie ŭstupiŭ u zakonnuju siłu i moža być abskardžany.
Nahadajem, u mai 2024 hoda siłaviki adrapartavali ab zatrymańni piaci čałaviek, jakija abkradali pryparkavanyja fury. Pakul kiroŭca spaŭ u kabinie, złačyncy ŭzłomvali zamok hruzavoha adsieka, zahružali svoj mikraaŭtobus kradzienym tavaram i źjazdžali ź miesca złačynstva.
«Naša Niva» tady nazvała imia kiraŭnika bandy — supracoŭnika kryminalnaha vyšuku Dokšyckaha RAUS Michaiła Zhirskaha. Jon nie tolki davodziŭ udzielnikam bandy infarmacyju pra chod rasśledavańniaŭ kryminalnych spraŭ pa ździejśnienych epizodach i prymaŭ udzieł u płanavańni rabavańniaŭ, ale i sam udzielničaŭ u hetych nalotach. U kvatery Zhirskaha znajšli inšuju, adroznuju ad tabielnaj, zbroju, jakaja fihuravała ŭ zajavach paciarpiełych. A taksama adzieńnie z aryjencirovak i bałakłavu. Paśla hetaha ŭ Dokšycach źmianili milicejskaje kiraŭnictva — jak dapuścili situacyju?
Ale publična kiraŭnictva MUS tady rašuča abvierhła infarmacyju ŭ niezaležnych ŚMI. Ministr Ivan Kubrakoŭ tady vystupiŭ ź videazvarotam: maŭlaŭ, banda była, ale nijaki milicyjanier u jaje nie ŭvachodziŭ. Pra los Michaiła Zhirskaha jon, naturalna, pramaŭčaŭ. Jak vyśvietliłasia, siłaviki vyrašyli vydzielić spravu Zhirskaha ŭ asobnuju vytvorčaść — kab nie plamić viedamstva.
Tym časam astatnich nalotčykaŭ paśpieli asudzić. Prysud atrymaŭsia šakavalna humannym. Pakul internet-kamientataram dajuć realnyja terminy ŭ kałonii, čatyrom rabaŭnikam fur dali… chatniuju chimiju. I tolki adzin ź ich, recydyvist, atrymaŭ 4 hady kałonii.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary
Heta ž treba dadumacca niešta vymahać u ciapierašniaj Biełarusi. Dzie ŭsio na kantroli, usio słuchajecca i prabivajecca. Dzie kamiery stajać na kožnym kroku. Dzie rozum?
Ale heta uskosna pakazvaje uzrovień padrychtoŭki u akademii mus - sam milicyjant pavinien umieć tak šyfravacca, kab jaho było ciažka znajści. Abo kab padzielnika uziali a jaho samaho - nie. Ale ž dzie tut? Dvoješniki...