Pamiatajecie bandu, jakaja ŭ bałakłavach rabavała na trasach fury? Vynik suda šakuje
Amal usich nalotčykaŭ adpuścili na chatniuju chimiju.
U Rečyckim rajonie vynieśli prysud piaciarym žycharam Oršy, jakija rabavali fury na stajankach uzdoŭž trasy Brest — Homiel.
«Naša Niva» pisała pra hetuju hučnuju spravu: kiravaŭ bandaj supracoŭnik kryminalnaha vyšuku Dokšyckaha RAUS i ŭdzielnik palityčnych represij kapitan Michaił Zhirski.
Čytać padrabiaźniej: Miehaskandał u MUS: supracoŭnik kryminalnaha vyšuku kiravaŭ bandaj, jakaja ŭ bałakłavach rabavała dalnabojščykaŭ
Pa spravie prachodzili złačyncy ad 34 da 51 hoda. Banda dziejničała ŭnačy, złaŭmyśniki apranali bałakłavy i vykarystoŭvali radyjostancyi dla suviazi, paviedamlaje prakuratura.
Złačyncy ŭzłomvali zamki na furach i krali techniku i pradukty. Kradziažy adbyvalisia ŭ Homielskaj i Minskaj abłaściach u sakaviku i krasaviku 2024 hoda. Ahulnaja škoda skłała bolš za 25 000 rubloŭ. Kradzienaje ŭdzielniki bandy pradavali ŭ Rasii abo dzialili pamiž saboj.
Pa rašeńni suda, adzin z raniej sudzimych złačyncaŭ atrymaŭ čatyry hady kałonii ŭzmocnienaha režymu i štraf u 2000 rubloŭ. Čatyry inšyja atrymali «chimiju» na termin ad dvuch da čatyroch hadoŭ i štrafy.
Kiraŭnika hrupy, supracoŭnika kryminalnaha vyšuku Zhirskaha sudzili asobna, jon atrymaŭ hihancki termin. «Naša Niva» vyśviatlaje padrabiaznaści taho pracesu.
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec14
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1717
Kamientary