Miehaskandał u MUS: supracoŭnik kryminalnaha vyšuku kiravaŭ bandaj, jakaja ŭ bałakłavach rabavała dalnabojščykaŭ
KDB zatrymaŭ supracoŭnika kryminalnaha vyšuku Dokšyckaha RAUS i ŭdzielnika palityčnych represij kapitana Michaiła Zhirskaha. Milicyjaniera abvinavačvajuć u kiraŭnictvie bandaj nalotčykaŭ, pra zatrymańnie jakoj na dniach adrapartavali siłaviki.
U spravazdačy Ministerstva ŭnutranych spraŭ ad 20 maja 2024 hoda raskazvajecca pra zatrymańnie piaci žycharoŭ Oršy. Jany abkradali fury na stajankach pa ŭsioj Biełarusi.
Pakul kiroŭca spaŭ u kabinie, złačyncy ŭzłomvali zamok hruzavoha adsieka, zahružali svoj mikraaŭtobus kradzienym tavaram — ad techniki da charčavańnia, — i źjazdžali ź miesca złačynstva. Skradzienaje potym pradavali ŭ Rasii abo karystalisia im sami.
Havorycca pra šeść epizodaŭ, a taksama zhadvajecca vykarystańnie racyj i bałakłaŭ.
Ale heta niapoŭnaja infarmacyja, jakaja prychoŭvaje tonki momant.
Pa infarmacyi «Našaj Nivy», schoplenyja aršanskija ŭdzielniki bandy paśla zatrymańnia vydali asobu inšaha saŭdzielnika, jaki i zrabiŭ schiemu mahčymaj — praz svoj śpiecyfičny dostup da infarmacyi i viedańnie mietadaŭ kanśpiracyi.
Jak vyjaviłasia, kiraŭnik bandy nalotčykaŭ — 27-hadovy kapitan Dokšyckaha kryminalnaha vyšuku Michaił Zhirski.
Pavodle infarmacyi «Našaj Nivy», Zhirski nie tolki davodziŭ udzielnikam bandy infarmacyju pra chod rasśledavańniaŭ kryminalnych spraŭ pa ździejśnienych epizodach i prymaŭ udzieł u płanavańni rabavańniaŭ, ale i sam udzielničaŭ u hetych nalotach.
U kvatery Zhirskaha znajšli inšuju, adroznuju ad tabielnaj, zbroju, jakaja fihuravała ŭ zajavach paciarpiełych. A taksama adzieńnie z aryjencirovak i bałakłavu.
Sam Zhirski rodam ź blizkaha da Oršy Tałačyna i nibyta daŭno znachodziŭsia ŭ adnosinach z kryminalizavanymi ziemlakami.
Kryminalnaja sprava znachodzicca na asablivym kantroli ŭ kiraŭnikoŭ MUS, Śledčaha kamiteta, Hienieralnaj prakuratury i KDB. Inšyja supracoŭniki kryminalnaha vyšuku Dokšyckaha RAUS časova adchileny ad słužby i praviarajucca na pradmiet datyčnaści da kryminału.
Adrazu paśla zatrymańnia Zhirskaha ŭ rajonie navat zamianili milicejskaje načalstva.
Varta taksama adznačyć, što Zhirski prymaŭ udzieł u palityčnych represijach, zatrymlivajučy nievinavatych hramadzian za ŭdzieł u akcyjach pratestu i vykazvańnie niazhody z režymam Alaksandra Łukašenki.
«Naša Niva» — bastyjon biełaruščyny
PADTRYMAĆ
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary
Heroi repartažu pakaranyja nie tamu, što ababirali karavany, a adno praz toje, što narabavanaje spyniałasia ŭ kišeni niejkaha tam majeoa, a nie išło dalej ŭharu, adpaviedna ź dziaržaŭnaj złačynnaj hijerarchijaj (mova pra lubuju i kožnuju dziaržavu, a nia hetuju adnu suročyli)
Pastaviŭ by blok-post ci tam mytny punkt – maska b nia treba, pachvaliła b načalstva, premiju dało.
Akabčyk maleńkim dzietkam tłumačyć, što ŭsie palityčnyja metady ŭzbahačeńnia źjaŭlajucca rabunkam.