Pradstaŭniki Rasii, Turcyi i Irana pryjechali ŭ stalicu Katara Dochu, kab abmierkavać situacyju ŭ Siryi. Rasijski ministr zamiežnych spraŭ Siarhiej Łaŭroŭ padčas hetaha forumu zaklikaŭ udzielnikaŭ kanfliktu da dyjałohu, vykarystaŭšy ŭ dačynieńni da apanientaŭ Bašara Asada vyraz «zakonnaja apazicyja».
«Usie my padkreślili, što chočam paŭnavartasnaj realizacyi rezalucyi 2254 i dla hetaha zaklikali da dyjałohu pamiž uradam i zakonnaj apazicyjaj», — skazaŭ Łaŭroŭ padčas siesii Dachijskaha forumu.
U toj ža čas, pavodle jaho słoŭ, treba adroźnivać isłamisckuju hrupoŭku «Chajat Tachryr aš-Šam», jakaja, na dumku Łaŭrova, źjaŭlajecca terarystyčnaj, i tyja apazicyjnyja hrupoŭki, jakija jon takimi nie ličyć.
Pry hetym Maskva hatovaja nibyta spryjać narmalizacyi adnosin pamiž Siryjaj i Turcyjaj:
«Turcyja — vielmi ŭpłyvovy aktar u Siryi, dumaju, vam heta viadoma. Jany zaniepakojenyja biaśpiekaj na miažy ź Siryjaj. My abmiarkoŭvali ŭ Astaninskim farmacie i farmacie «Astaninski farmat plus Siryja» pytańnie narmalizacyi adnosin pamiž Turcyjaj i Damaskam».
U toj ža čas Łaŭroŭ admaŭlaje, što rasijski fłot pakinuŭ bazu ŭ siryjskim Tartusie vymušana:
«U Mižziemnym mory pravodziacca vajenna-marskija vučeńni, mahčyma, vašy spadarožnikavyja zdymki zbłytali ich z čymści inšym», — skazaŭ jon adnamu z žurnalistaŭ.
Pierad hetym kiraŭniki MZS Irana i Turcyi dvojčy ŭzhadnili svaje pazicyi biez Rasii. Pieršy raz turecki ministr Chakan Fidan i jahony iranski kaleha Abas Arakčy sustrelisia ŭ Ankary 3 śniežnia, druhi raz — siońnia ŭ Dosie.
«Pamiž nami isnuje kansensus pa pytańni ab tym, što Siryja nie pavinna stanavicca miescam dla terarystaŭ, tamu što heta vykliča vajnu ŭ rehijonie», — zajaŭlaŭ Arakčy pa vynikach pieršaj sustrečy.
Siryjskija paŭstancy paviedamlajuć pra zachop uskrain Palmiry
Siryja: paŭstańnie ciapier i na poŭdzień ad Damaska, a siły Asada pakinuli Palmiru
Dźvie krainy prapanavali Bašaru Asadu pakinuć Siryju
Siryjskija apazicyjnyja siły zachapili Dejr-el-Zor na ŭschodzie krainy
Iran pačaŭ evakuacyju vajskoŭcaŭ i dypłamataŭ ź Siryi
«U nas inšyja pryjarytety ciapier». Rasija moža nie pryjści na dapamohu Asadu
Erdahan: meta apazicyi — Damask. My prapanavali Asadu razam vyznačyć budučyniu Siryi, ale adkazu nie było
Paŭstancy ŭ Siryi padyšli da Chomsa, rasijskija bazy siońnia mohuć adrezać
Ciapier čytajuć
Hieroja telefonnych źlivaŭ pałkoŭnika Kisiala, jaki zaklikaŭ kalečyć demanstrantaŭ, raptoŭna apuścili na rajonny ŭzrovień12
Kamientary
" uvažajemymi partnierami " . Včiera bali tierroristami jeśli čto .