Ułady Małdovy vyrašyli nie płacić «Hazpramu» doŭh pamieram 709 młn dalaraŭ
Małdova budzie vymušanaja źviarnucca da Jeŭrakamisii pa dapamohu ŭ pošuku kampramisnaha rašeńnia dla stabilnaha hazazabieśpiačeńnia krainy, kali Ukraina spynić tranzit hazu, zajaviŭ vice-prezident praŭleńnia kampanii «Małdovahaz» Vadzim Čeban u efiry N4, piša RBK.
«Klučavymi ryzykami dla praciahvańnia tranzitu praz Ukrainu źjaŭlajucca jak nieachvota Kijeva praciahvać damovu pa tranzicie, tak i vajennyja dziejańni <…> U vypadku praciahvańnia niapeŭnaści Małdova budzie vymušanaja źviarnucca da Jeŭrakamisii pa dapamohu ŭ pošuku kampramisnaha rašeńnia dla stabilnaha hazazabieśpiačeńnia krainy», — skazaŭ jon.
Čeban dadaŭ, što kali Ukraina nie praciahnie pahadnieńnie na tranzit hazu, Małdova budzie šukać alternatyŭnyja šlachi praz transbałkanski kalidor. Jon padkreśliŭ važnaść padpisańnia apieratarskich pahadnieńniaŭ pamiž «Hazpramam», ukrainskim «Naftahazam» i apieratarami hazatranspartnych sistem.
Premjer-ministr krainy Doryn Rečan, u svaju čarhu, zajaviŭ u intervju, što Małdova nie maje namieru vypłačvać «Hazpromu» «niaisnuju» zapazyčanaść u pamiery 709 młn dalaraŭ.
«Hazpram» sprabuje ŭmoŭna praciahnuć pastaŭki z vypłataju niaisnaha doŭhu. My nie źbirajemsia apłačvać hetuju zapazyčanaść», — zajaviŭ premjer.
Pavodle jaho słoŭ, ułady majuć namier zabiaśpiečyć enierhietyčnuju biaśpieku krainy, ale biez pryniaćcia ŭmoŭ, jakija zakranajuć nacyjanalnyja intaresy.
-
«Ci jość sens za ich čaplacca?» Pucin namiaknuŭ pra hatoŭnaść spynić vajnu, kali jamu zdaduć Danbas
-
Iłan Mask viartajecca ŭ administracyju Trampa, užo ŭ novaj roli
-
U Efiopii paśla niekalkich hadoŭ pierapynku znoŭ razharajecca poŭnamaštabnaja hramadzianskaja vajna. Moža destabilizavacca i ŭvieś rehijon
Toj samy masažyst raskazaŭ, navošta zdymaŭ hołych klijentak2
Kamientary