U Biełarusi zatrymali hruzinskaha złodzieja ŭ zakonie, jaki praryvaŭsia z Rasii biez pašparta
5 listapada ŭ Mahiloŭskaj vobłaści zatrymali hruzinskaha złodzieja ŭ zakonie Karła Čchikvadze, bolš viadomaha ŭ kryminalnych asiarodkach pad mianuškaj Kacha Čachataurski. Pra jahonaje zatrymańnie paviedamiła śpiecyjalizavanaje vydańnie «Prajm Krajm», adznačyŭšy, što hety maciory kryminalnik maje śpiecyfičnyja prablemy.
Karła Čchikvadze pryjšoŭ u Biełaruś z Rasii piechatoj, i zrabiŭ heta nie ad dobraha žyćcia. Reč u tym, što jon adbyvaŭ u Rasii 18-hadovy termin, atrymany za zabojstva. A kali adbyŭ, to akazałasia, što na voli ŭ jaho niama ni hramadzianstva, ni miesca žycharstva, i Rasija pry ŭsioj śpiecyficy hetaj krainy nie zacikaŭlenaja mieć jaho na svajoj terytoryi.
Paśla vyzvaleńnia Karła Čchikvadze pryvieźli z Kiraŭskaj vobłaści ŭ Maskvu, dzie praviali ź im praduhledžanuju dla padobnych vypadkaŭ prafiłaktyčnuju hutarku i dali try dni na toje, kab pakinuć terytoryju Rasii. Adnak ža iści złodzieju ŭ zakonie asabliva nie było kudy, bo hruzinskaje hramadzianstva jon u 1990-ja taksama nie aformiŭ, i ciapier Hruzija pryznavać jaho svaim hramadzianinam nie choča.
U vyniku kryminalnik navažyŭsia pakul što pierajści nielehalna ŭ Biełaruś, ale vyjšła tak, što adrazu paśla pierasiačeńnia miažy Čchikvadze zatrymali. Ciapier mužčyna znachodzicca pad aryštam. Za nielehalny pierachod miažy jamu pahražaje administratyŭnaja adkaznaść u vyhladzie štrafu z nastupnaj dobraachvotnaj ci prymusovaj departacyjaj. Pytańnie tolki — kudy departavać.
Ciapier 54-hadovy Karła Čchikvadze byŭ «karanavany» na złodzieja ŭ zakonie ŭ dalokim 1992 hodzie i paśla taho pa čatyroch sudzimaściach pravioŭ za kratami amal 30 hadoŭ.
Vyzvaliŭsia biełaruski złodziej u zakonie Paštet
HUBAZiK: My vyznačyli čyrvonyja linii dla złodzieja ŭ zakonie «Miedźviažonka»
Ź Ivacevickaj kałonii vyzvaliŭsia viadomy biełaruski «złodziej u zakonie»
Bandy 90-ch. Jak vyhladali ŭdzielniki biełaruskich złačynnych hrupovak ŠMAT FOTA
Vyniesieny prysud «złodzieju ŭ zakonie» Sašy Kušnieru
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku6
Kamientary