Litva nie vyjaviła prykmiet taho, što krušeńnie hruzavoha samalota DHL u Vilni 25 listapada mahło być vynikam dyviersii. Najbolš vierahodnaja pryčyna incydentu — techničnaja niaspraŭnaść, zajaviŭ ministr abarony Litvy Łaŭrynas Kaščunas.
«Z ulikam najaŭnaj u nas infarmacyi niama padstaŭ mierkavać, što heta była dyviersija», — zajaviŭ Kaščunas, jakoha cytuje ahienctva Reuters.
Ministr adznačyŭ, što vizualny ahlad nie vyjaviŭ śladoŭ źniešniaha ŭździejańnia na samalot, a členy ekipaža, jakija vyžyli, paviedamili, što pierad krušeńniem nie było prykmiet chaosu, dymu ci chvalavańnia.
Načalnik Nacyjanalnaha centra kryzisnaha kiravańnia Litvy Viłmantas Vitkaŭskas paćvierdziŭ, što śledčyja schilajucca da techničnaj pryčyny avaryi.
«Kali buduć atrymanyja novyja danyja, my možam źmianić napramak rasśledavańnia, ale pakul takich danych niama», — zajaviŭ jon.
Litoŭskija ŭłady taksama paviedamili, što samalot nie vykarystoŭvaŭ GPS dla pasadki, tamu mahčymyja pieraškody ŭ sihnałach nie mahli paŭpłyvać na incydent.
Nahadajem, što ranicaj 25 listapada hruzavy samalot DHL, jaki vykonvaŭ rejs ź niamieckaha Lajpcyha, zrabiŭ žorstkuju avaryjnuju pasadku pobač z žyłym domam u Vilni. U vyniku krušeńnia zahinuŭ adzin čałaviek.
Ministr zamiežnych spraŭ Hiermanii raniej dapuskaŭ, što incydent moh być abo niaščasnym vypadkam, abo hibrydnaj atakaj u «niestabilnyja časy». A hałoŭnakamandujučy niamieckaha Bundeśviera Karsten Brojer vykazaŭ hipotezu, što incydent moh być «pravierkaj» z boku Rasii dla vyjaŭleńnia patencyjnych słabych miescaŭ.
Bundeśvier: Za krušeńniem samalota DHL u Litvie moža stajać Rasija
Ahlad samalota, što raźbiŭsia ŭ Vilni, budzie zavieršany na praciahu troch dzion
MUS Hiermanii: Niama prykmiet taho, što krušeńnie samalota DHL u Vilni źviazana z samaŭzharańniem pasyłak
Hiermanija pačała rasśledavańnie krušeńnia samalota DHL u Litvie
Ułady Litvy nie vyklučajuć terakta na borcie samalota DHL, jaki ŭpaŭ u Vilni
Papiaredniaja pryčyna padzieńnia samalota ŭ Vilni — techničnaje pytańnie
U Vilni hruzavy «Boinh» upaŭ na dvuchpaviarchovy žyły dom i zahareŭsia. Jość zahinułyja
U Łahojsku piekar admaŭlajecca pradavać svoj chleb pakupnikam, u jakich jość sabaki84
Kamientary