Učora ŭ efiry adnaho z telekanałaŭ prakuror patłumačyŭ, što budzie, kali vaša videa reposnuŭ «ekstremiscki» resurs. Siońnia hubazikaŭcy papravili taho.
«Nie kožny materyjał, jaki vyjšaŭ na ekstremisckim resursie, źjaŭlajecca ekstremisckim. Važna razumieć, što samo pa sabie raźmiaščeńnie vašaha kantentu na ekstremisckim resursie nie robić jaho ekstremisckim. Hałoŭnaje — kab u materyjale, skradzienym u vas, nie było prykmiet ekstremizmu z vašaha boku», — raskazaŭ načalnik adździeła pa nahladzie za vykanańniem zakanadaŭstva ab dziaržaŭnaj biaśpiecy Hienprakuratury Valeryj Šulak u efiry STB.
Jon zajaviŭ, što byvajuć situacyi, kali «ekstremisckija» resursy sprabujuć vykarystoŭvać čužyja materyjały dla svaich metaŭ.
«Kali vaša videa, naprykład, pakazvaje avaryju abo inšuju padzieju, jakaja nie ŭtrymlivaje nijakaha ekstremisckaha padtekstu, samo pa sabie jano nie budzie ličycca ekstremisckim. Važna, kab vaš kantent nie ŭtrymlivaŭ zaklikaŭ da hvałtu, parušeńnia zakona abo inšych destruktyŭnych elemientaŭ», — dadaŭ Šulak.
HUBAZIK u svaim telehram-kanale reposnuŭ hetyja słovy.
Ale hubazikaŭcy majuć svoj punkt hledžańnia na zakony ŭ Biełarusi. I pastavili prakuraturu na miesca, pakazaŭšy, chto nasamreč kantraluje situacyju.
«Kab u prakuratury nie było pytańniaŭ, ich spačatku zadaje milicyja ŭ jakaści papiaredniaj pravierki», — papiaredžvaje HUBAZIK.
I dadaje, što «lepš naohuł nie zdymać videa, jakija ŭ svaich metach moža vykarystoŭvać ekstremiscki resurs».
-
«A Łukašenka nie ŭ kursie, adkul byŭ napad na hetu asfaltavanuju darohu?» U vioscy praviali viełaprabieh — ale ŭsia ŭvaha dastałasia darozie
-
Miljanier Varabiej atrymaŭ prava na zabudovu centra Minska — uzamien za darahuju kliniku dla Łukašenki
-
Minčuki ŭ čacie paskardzilisia na pracu palikliniki. Prapahanda abvinavaciła ŭ čerhach samich naviedvalnikaŭ
Miljanier Varabiej atrymaŭ prava na zabudovu centra Minska — uzamien za darahuju kliniku dla Łukašenki7
Kamientary
ždu kohda načnut ŽRAĆ odin odnoho