Ułady chvalacca, što ŭ Biełaruś pa biaźvizie pryjechaŭ miljon jeŭrapiejcaŭ. Niaŭžo praŭda?
Raźbirajemsia ŭ mietodycy padliku zamiežnikaŭ.
Z 15 krasavika 2022 hoda ŭ Biełarusi dziejničaje biaźvizavy režym dla hramadzian susiednich zachodnich krain. Pavodle padlikaŭ Dziaržpahrankamiteta, za hety čas našu krainu naviedali 1 miljon 8 tysiač čałaviek.
Raźbiŭka pa krainach takaja:
| Litva | 578554 |
| Łatvija | 316156 |
| Polšča | 101447 |
Jość jašče 11 883 čałaviek — hramadzianie inšych krain Jeŭrasajuza, dla jakich biaźviz dziejničaje z 19 lipienia 2024 hoda.
Ličby ŭ lubym razie ŭražvajuć. Asabliva kali hladzieć na Litvu i Łatviju — atrymlivajecca, što ŭ Biełaruś nibyta źjeździli bolš za 20% ad ahulnaj kolkaści žycharoŭ Litvy i amal 17% žycharoŭ Łatvii. I heta z ulikam piensijanieraŭ i niemaŭlat!
Naturalna, što kožny piaty hramadzianin Litvy nie naviedvaŭ Biełaruś za apošnija hady. Ličby biełaruskich pamiežnikaŭ adlustroŭvajuć kolkaść pierasiačeńniaŭ miažy hramadzianami, a nie kolkaść hetych hramadzianaŭ.
Pierakanacca ŭ hetym možna, kali paraŭnać ličby ź litoŭskimi. A tam jakraz ličać i hramadzian, i pajezdki.
Pa danych litoŭskaha boku, u žniŭni 2024 hoda hramadzianie Litvy pierasiakali miažu ź Biełaruśsiu praz punkty pamiežnaha kantrolu 10 020 razoŭ, ale kolkaść unikalnych vyjezdaŭ (a značyć, kolkaść čałaviek) skłała 7 358.
Pry hetym varta adznačyć, što cikavaść da pajezdak u Biełaruś praz zakryćcio čatyroch z šaści punktaŭ propusku i zabarony na ŭvoz praduktaŭ i inšych tavaraŭ ź Biełarusi mocna źniziłasia. Tak, naprykład, u žniŭni 2022 hoda hramadzianie Litvy pierasiekli miažu ź Biełaruśsiu 50 tysiač razoŭ, a ŭ žniŭni 2023 hoda — 33 tysiačy.
Da ŭviadzieńnia šerahu novych abmiežavańniaŭ kolkaść unikalnych naviedvalnikaŭ jašče bolš adroźnivałasia ad ličby ŭnikalnych vyjezdaŭ, bo žychary pierš za ŭsio litoŭskaha i łatvijskaha pryhraničča jeździli ŭ Biełaruś z kamiercyjnymi metami.
Tak, naprykład, za 2023 hod 412 tysiač pierasiačeńniaŭ miažy zabiaśpiečyli 62 tysiačy litoŭcaŭ.
Kali hladzieć biełaruskuju statystyku, možna było b padumać, što ŭ Biełaruś źjeździŭ kožny siomy litoviec. Realna ž — tolki adzin ź piacidziesiaci.
Nahadajem, biaźviz dziejničaje da 31 śniežnia 2024 hoda, ale moža być padoŭžany, jak heta adbyvałasia ŭ papiarednija hady.
Ciapier čytajuć
Danyja pakupnikoŭ upryhožańniaŭ Belaruskicry mahli trapić u ruki siłavikoŭ. HUBAZiK pahražaje kryminałkaj za novyja zakazy2
Danyja pakupnikoŭ upryhožańniaŭ Belaruskicry mahli trapić u ruki siłavikoŭ. HUBAZiK pahražaje kryminałkaj za novyja zakazy
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary