Kožny piaty hramadzianin Litvy naviedaŭ Biełaruś pa biaźvizie? Nakolki biełaruski biaźviz nasamreč papularny ŭ susiedziaŭ
Biełaruskija ŭłady rehularna chvalacca kolkaściu zamiežnikaŭ, jakija pryjazdžajuć u našu krainu pa biaźvizie. Ale jość niuans.
Amal kožny piaty litoviec skarystaŭsia biaźvizam?
Pavodle apošniaj infarmacyjaj, apublikavanaj Dziaržpahrankamitetam, za ŭvieś pieryjad isnavańnia biaźvizu dla hramadzian Polščy, Litvy i Łatvii našu krainu naviedała 821 390 čałaviek.
Najbolšym popytam pajezdki ŭ Biełaruś karystajucca ŭ hramadzian Litvy, jany składajuć 62% ad ahulnaj kolkaści karystalnikaŭ biaźvizu.
Kali b statystyka DPK adlustroŭvała kolkaść unikalnych naviedvalnikaŭ, to atrymałasia b, što ŭ pieryjad z 15 krasavika 2022 hoda pa 5 lutaha 2024 u Biełarusi pabyvała kala 18% nasielnictva Litvy. I heta z ulikam pažyłych i niemaŭlat.
Ale ci sapraŭdy litoŭcy nastolki masava jeździać u Biełaruś?
Kaniečnie, nie. Zhodna z danymi litoŭskaha boka, za 2023 hod ź Litvy ŭ bok Biełarusi vyjechała mienš za 62 tysiačy čałaviek. Heta kala 2,15% nasielnictva Litvy. Mienavita takuju kolkaść unikalnych naviedvalnikaŭ naličyŭ litoŭski bok.
U biełaruskaj spravazdačy ahučvajuć tolki ahulnyja ličby pierasiačeńnia miažy ludziej ź litoŭskimi pašpartami. Zhodna z hetymi danymi, za minuły hod 412 tysiač hramadzian Litvy pierasiekli biełaruskuju miažu, skarystaŭšy mahčymaść pryjechać bieź vizy.
Atrymlivajecca, što vialikija ahulnyja ličby dasiahajucca za košt taho, što častka litoŭcaŭ jeździć u Biełaruś davoli časta. Zvyčajna heta žychary pryhraničnych rajonaŭ. Mnohija ź ich jeździać u Biełaruś z ekanamičnych mierkavańniaŭ. Čaściej za ŭsio takija «turysty» ŭ našu krainu jeduć pa paliva, cyharety, ałkahol i leki.
Čytajcie taksama:
U Litvie znoŭ prapanavali zakryć jašče dva pamiežnyja punkty na miažy ź Biełaruśsiu
-
Polskaja daślednica biełaruskaj identyčnaści maryć pra pomnik «kułaku» ŭ Minsku i čakaje, kali Biełaruś znoŭ adkryjecca śvietu
-
Biełarus, jaki adsiadzieŭ u Tambovie, zavis miž niebam i ziamloj — Rasija choča departavać, a Biełaruś pytajecca: chto heta?
-
Mama studentki-vydatnicy raskazała pra vydatki na vypuskny
Ciapier čytajuć
Milicyja zatrymała taho samaha rasijskaha turysta, jaki kinuŭ niedakurak na vulicy. Zaŭtra sud33
Kamientary