Pačynajecca sud nad śviatarom Hienrycham Akałatovičam. Jamu pahražaje da 15 hadoŭ
Śviatar pieranios infarkt i pierachvareŭ na ankałohiju, ale jaho ŭžo hod trymajuć u SIZA KDB.
U Minskim abłasnym sudzie siońnia pačynajecca sud nad śviatarom Hienrycham Akałatovičam. Jaho abvinavačvajuć u zdradzie dziaržavie (č. 1 art. 356 KK). Śviataru pahražaje da piatnaccaci hadoŭ kałonii.
Katalickamu śviataru Hienrychu (Hienadziu) Akałatoviču 64 hady. Rodam jon ź vioski Novaja Myš Baranavickaha rajona.
Apošnim časam Hienrych słužyŭ u katalickim chramie śviatoha Jazepa ŭ Vałožynie. Jaho zatrymali 17 listapada 2023 hoda.
Akałatovič raniej pieranios infarkt i chvareŭ na ankałohiju, tamu niezadoŭha pierad zatrymańniem jamu praviali apieracyju na straŭniku. Śviataru treba asablivy dahlad i miedycynskaja dapamoha. Ale jaho trymajuć u SIZA KDB, a stan zdaroŭja nieviadomy.
Vierniki raniej paviedamlali partału katolik.life, što Akałatoviča vinavacili ŭ tym, što jon kamuści vydaŭ niejkuju tajamnicu. Viadoma taksama, što abjom škody, jaki vystavili śviataru, siahaje miljona dalaraŭ. Pisali i pra toje, što kanfiskavali nie tolki asabistyja hrošy śviatara, ale i hrošy parafii.
Sudzić jaho budzie Uładzimir Areška. Heta toj ža sudździa, što prysudziŭ 8 hadoŭ Eduardu Babaryku, vielizarnyja terminy fihurantam spravy pra «zachop ułady» (Kastusioŭ, Fiaduta, Ziańkovič), šeść hadoŭ za danaty maładziečancu Alaksandru Vierasoviču.
«Arabski šejch zasunuŭ dalary ŭ kišeniu». Błohier Vadimati Jermašuk ciapier pracuje achoŭnikam luksavych bucikoŭ3
Kamientary