Mininfarmacyi patrabuje ad piaci internet-resursaŭ davać dostup da abaviazkovaha pakieta teleprahram
Viedamstva paviedamlaje ŭ svaim telehram-kanale, što byŭ vyjaŭleny šerah internet-resursaŭ, jakija raspaŭsiudžvajuć teleprahramy, ale tam nie ŭ poŭnym abjomie pradstaŭleny abaviazkovy ahulnadastupny pakiet teleprahram.
Piaci ŭładalnikam hetych internet-resursaŭ vyniesienyja patrabavańni ab likvidacyi parušeńniaŭ Zakona ab ŚMI.
«Nievykanańnie ŭładalnikam internet-resursu patrabavańnia Ministerstva infarmacyi ab likvidacyi parušeńniaŭ zakanadaŭstva Respubliki Biełaruś Ab srodkach masavaj infarmacyi abo niepaviedamleńnie ŭ Ministerstva infarmacyi ab ich likvidacyi i niepadača paćviardžajučych dakumientaŭ źjaŭlajucca padstavaj dla pryniaćcia rašeńnia ab abmiežavańni dostupu da internet-resursu ŭ adpaviednaści z Zakonam ab ŚMI», — nahadvaje Mininfarmacyi, ale nie nazyvaje hetyja interniet-resursy.
U abaviazkovy pakiet uvachodziać telekanały «Biełaruś 1», ANT, «Biełaruś 2», «Biełaruś 3», «Biełaruś 5», STB, «NTV Biełaruś», «Rasija Biełaruś», a ź niadaŭniaha času i «Pieršy infarmacyjny».
Kamientary