Što značyć, kali prastuda prachodzić biez tempieratury? Heta kiepski ci dobry znak? Z takimi pytańniami čytačka źviarnułasia ŭ redakcyju «Zdarovyja ludzi».
— Majo dzicia časta chvareje na prastudnyja zachvorvańni, ale, što charakterna, jany zaŭsiody prachodziać biez tempieratury. Moža być zakładzieny nos, bol u horle i navat kašal, a tempieratury niama. Heta ŭvohule narmalna? Ci značyć heta, što ŭ dziciaci mocny imunitet? Ci, naadvarot, adsutnaść tempieratury padčas VRVI — heta simptom čahości nie vielmi dobraha? Śviatłana Kaŭryha, Minsk.
Adkazvaje prafiesar, zahadčyk kafiedry dziciačych infiekcyjnych chvarob BDMU, doktar miedycynskich navuk Aksana Ramanava:
— Pačniem z taho, što reśpiratornych virusnych infiekcyj vielmi šmat (ciapier naličvajecca bolš za 300 uzbudžalnikaŭ). Niekatoryja praciakajuć z pavyšeńniem tempieratury, ale pieravažnaja bolšaść — biez. Tak, pavodle danych miedycynskaj litaratury, uzdym tempieratury ŭ dziaciej nazirajecca tolki ŭ 15-20 pracentach vypadkaŭ vostraj reśpiratornaj virusnaj infiekcyi.
Tempieratura — heta reakcyja, jakaja śviedčyć ab tym, što ŭ arhaniźmie chvoraha vypracoŭvajecca šmat citokinaŭ — białkoŭ imunnaj sistemy, jakija zabiaśpiečvajuć mižkletkavyja ŭzajemadziejańni. Sudzić pa joj pra imunitet ci rabić vysnovy, zmahajecca arhanizm ź infiekcyjaj ci nie, nie varta. Jość reakcyja — budzie tempieratura, niama reakcyi — tempieratury nie budzie. Paŭtarusia, tolki ŭ adnaho z 5 chvorych na VRVI supravadžajecca pavyšeńniem tempieratury.
Čaściej za ŭsio adsutnaść hipiertermii charakterna dla prastudnych virusnych zachvorvańniaŭ. Kali dzicia čchaje, kašlaje, u jaho zakładzieny nos, jon skardzicca na bol u horle i ahulnaje adčuvańnie niezdaroŭja, ale pry hetym nie «haryć» — heta narmalna. Mienavita tak prastuda praciakaje ŭ 80 vypadkach sa 100.
Adnak heta nie datyčycca hrypu, adenavirusnych infiekcyj, enteravirusaŭ, dla jakich vysokaja tempieratura — charakternaja asablivaść.
Razam z tym nieabchodna pieraścierahčy baćkoŭ. Navat kali VRVI praciakaje biez tempieratury, heta nie značyć, što dzicia zdarovaje i nie zaraznaje dla inšych. Tamu ad naviedvańnia dziciačych kalektyvaŭ — sadoŭ i škoł — lepš ustrymacca.
Natalla Kalehava raskazała pra dapamohu biełaruskim uciekačam, svaju siamju, staŭleńnie da Cichanoŭskaj. I patłumačyła, chto takija «babry» i «zajcy»34
Kamientary