Heta piroh maje koler suchoha vosieńskaha liścia i miakka nahadvaje ab pryhažości siezona. Ciopłyja śpiecyi karyca i hvaździka dapaŭniajuć dalikatnuju słodyč sadaviny.
Fota: domenicacooks.com
Kab pryhatavać piroh z churmoj, spatrebicca:
- papiera dla vypiečki
- masła
- 1/2 šklanki (65 h) nieadbielenaj muki
- 1/4 šklanki (30 h) celnaziernievaj abo žytniaj muki
- 1/4 šklanki (30 h) kaštanavaj muki
- 1/4 čajnaj łyžki drobnaj marskoj soli
- 1 čajnaja łyžka karycy
- 1/4 čajnaj łyžki mołataj hvaździki
- 3 jajki, padzielenyja na žaŭtki i białki, pakajovaj tempieratury
- 1 šklanka (200 h) karyčnievaha cukru
- 1 šklanka sucelnaha małaka, johurtu (nie hreckaha)
- 1 čajnaja łyžka vanilnaha ekstraktu
- 1 saśpiełaja churma fuju, ababranaja i narezanaja dolkami abo kavałačkami
- cukrovaja pudra
- uźbityja viarški dla padačy
Jak hatavać:
- Razahrejcie duchoŭku da 180°C. Vyšmarujcie masłam formu dla vypiečki dyjamietram 23 sm. Pakładzicie na dno formy koła pierhamientnaj papiery dyjamietram 23 sm i taksama vyšmarujcie jaho masłam.
- Prasiejcie muku, 1/8 čajnaj łyžki soli, karycu i hvaździku ŭ misku. U asobnaj miscy ŭźbicie jaječnyja žaŭtki z karyčnievym cukram da hustoj kremapadobnaj kansistencyi, pakul cukar nie rastvorycca. Sumieś pavinna być koleru blednaj kavy. Dadajcie johurt i vanilny ekstrakt. Raźmiašajcie suchija inhredyjenty ŭ jaječnaj sumiesi, pakul jany nie źmiašajucca.
- Uźbicie jaječnyja białki i 1/8 čajnaj łyžki soli da ŭtvareńnia žorstkich bliskučych pikaŭ. Dadajcie tracinu białkoŭ u ciesta, kab razrychlić jaho. Potym akuratna dadajcie białki, jakija zastalisia, pakul nie zastaniecca biełych pałos.
- Vylicie ciesta ŭ padrychtavanuju formu dla vypiečki i raŭnamierna raźmiarkujcie źvierchu kavałački churmy. Vypiakajcie 30 chvilin abo pakul vierch nie stanie pyšnym i załacista-karyčnievym. Praviercie hatoŭnaść zubačystkaj abo pasłuchajcie, ci jość bulkatańnie ŭnutry piraha; piroh hatovy, kali na zubačystcy zastaniecca ŭsiaho adna-dźvie kroški abo kali bulkatańnie ŭnutry stravy zacichnie.
- Dajcie pirahu astyć na rašotcy kala 20 chvilin. Praviadzicie nažom pa ŭnutranym krai i akuratna pieraviarnicie piroh na talerku. Źnimicie pierhamient i znoŭ pieraviarnicie piroh na talerku. Dajcie jamu całkam astyć. Vykładzicie stravu na dekaratyŭnuju talerku i pasypcie cukrovaj pudraj pry padačy. Narežcie łustačkami i padavajcie z łyžkaj źlohku ŭźbitych viarškoŭ.
Kamientary
I nie kažycie mnie, što heta jabłyki, churmu ni z čym nie pierabłytaješ...