U Rasii žančyna skrała 29 pačkaŭ masła z kramy — joj prapanavali adpravicca na vajnu
Rasijskija siłaviki ŭziali na ŭzbrajeńnie novuju praktyku: prapanujuć kantrakt ź Minabarony zatrymanym žančynam.
U Nižaharodskaj vobłaści žančynie, jakaja skrała 29 pačkaŭ masła z kramy, prapanavali adpravicca na vajnu va Ukrainu.
Kradziež adbyŭsia ŭviečary 6 listapada. Praź niekatory čas siłaviki zatrymali 33-hadovuju Kaciarynu. Jaje dastavili ŭ adździeł, a na dopycie žančynie prapanavali zaklučyć kantrakt ź Minabarony i pajechać na vajnu. Kaciaryna admoviłasia, piša Baza.
Jak akazałasia, hety vypadak nie adzinkavy. Tak, prapanovu padpisać kantrakt z rasijskaj armijaj atrymała 27-hadovaja Hanna. Jaje zatrymali paśla taho, jak jana źniała 300 dalaraŭ sa znojdzienaj čužoj bankaŭskaj karty
Na dziaŭčynu raspačali spravu pavodle artykuła 158 KK RF (kradziež) i padčas dopytu ŭ palicyi prapanavali adpravicca na vajnu. Dziaŭčyna admoviłasia i ciapier znachodzicca pad padpiskaj ab niavyjeździe.
Takaja ž historyja zdaryłasia z 44-hadovaj Julijaj z horada Kulebaki. Žančynu zatrymali za prysvajeńnie čužoha zarobku, padčas dopytu joj prapanavali padpisać kantrakt ź Minabarony. Što kankretna jana pavinna była rabić na vajnie — nieviadoma, ale Julija padpisała admovu, spasłaŭšysia na toje, što joj treba dahladać chvoruju maci.
Pavodle rasijskaha zakona supracoŭniki palicyi i śledčyja mohuć prapanoŭvać zatrymanym padpisvać kantrakty ź Minabarony. Hetaja praktyka ŭžyvajecca davoli časta, adnak pra vypadki, kali prapanoŭvali iści na vajnu zatrymanym žančynam, raniej viadoma nie było.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary