Ułady padličyli, kolki piensijanieraŭ viernuć na rabotu i jak vyrastuć piensii ŭ 2025-m
Pra płany viartać piensijanieraŭ na pracoŭnyja miescy i pavyšeńnie piensij u nastupnym hodzie raskazała ministarka pracy i sacyjalnaj abarony Natalla Paŭlučenka.
Ciapier piensijanier, jaki pracuje, atrymlivaje zarabotnuju płatu i piensiju. Kali ŭ jaho indyvidualny kaeficyjent, jaki skłaŭsia pry raźliku piensii, vyšejšy za 1,3, to piensiju jon atrymlivaje va ŭrezanym farmacie. Z 1 studzienia 2025 hoda hetyja praviły admianiajucca i piensija budzie vypłačvacca ŭ poŭnym abjomie. Pry hetym piensijanier taksama budzie atrymlivać zarabotnuju płatu.
«My pahladzieli na pierśpiektyvu. Na siońnia ŭ nas tak zvanych maładych piensijanieraŭ, jakija piać hadoŭ jak vyjšli na piensiju i nie pracujuć, u jakich takoje abmiežavańnie ciapier spracoŭvaje, — kala 10 tysiač čałaviek. Patencyjna heta taja minimalnaja kolkaść, jakaja moža da nas viarnucca na rynak pracy»,
— skazała Natalla Paŭlučenka ŭ efiry telekanała «Biełaruś 1».
Na siońnia pracujučych hramadzian piensijnaha ŭzrostu — 446 tysiač. Ź ich 110 tysiač pracujuć z abmiežavańniem, heta značyć nie atrymlivajuć poŭny pamier piensii.
Ministarka zajaviła taksama, što ŭ 2025-m piensii vyrastuć na 14%. Siaredni pamier piensii za hod składzie 926 rubloŭ.
Ciapier čytajuć
U Sule adznačyli Kupalle. Haściej było stolki, što na darohach utvarylisia zatory12
Kamientary
1) Piensija 1100 rub. - heta nie prosta IKZ bolej za 1,3. Heta kali IKZ bolej 2,5
2) Z 1 studzienia 2025 pracujučyja piensijaniery atrymajuć "dabaŭku" 50...100 rub. Nie dumaju, što heta zavabić na pracu tych, chto ŭžo nie pracuje.
Niemnoho cifr. Piensija s koeff. > 1,3 siehodnia eto boleje 1100 rub.
-
Da nieužieli? U mienia 1,7 ličnyj koefficijent, 900 rub. piensija, rublej 50 dobavitsia s 1 janvaria.