Školnikaŭ sa Smarhonskaha rajona zvazili z ekskursijaj na Akreścina
«Pašancavała» na asieńnich kanikułach dzieviacikłaśnikam Solskaj siaredniaj škoły. Jany naviedali na Akreścina pryjomnik-raźmierkavalnik dla niepaŭnaletnich.
Dziaciej praviali pa śpiecustanovie i raspaviali, jak žyvuć i čym zajmajucca dzieci pa toj bok płota, paviedamlaje vydańnie «Śvietły šlach».
Siudy traplajuć niepaŭnaletnija, zatrymanyja za drobnyja pravaparušeńni: raśpićcio śpirtnych napojaŭ, kradziež, chulihanstva, znachodžańnia na vulicy paśla 23.00 biez supravadžeńnia darosłych, a taksama dzieci ź nieščaślivych siemjaŭ, dzieci-siroty.
Ale jość i tyja, jakija nie dasiahnuli ŭzrostu adkaznaści (da 14 hadoŭ).
U pryjomniku-raźmierkavalniku jany znachodziacca nie bolš za miesiac, tut čakajuć suda i adpraŭki ŭ inšyja śpiecPTV na pieravychavańnie.
U hetaj śpiecustanovie svoj rasparadak dnia: a 8.00 — padjom, adboj — a 22.00. Z ranicy dzieci vučacca, zatym adpačyvajuć. U dziaciej jość knihi i nievialikaja biblijateka.
Baćkam dazvolena naviedvańnie dziaciej, možna stelefanoŭvacca z baćkami pa telefonie, kali dzieci heta zasłužyli. A taksama baćki mohuć dasyłać pieradačy dla svaich dziaciej.
«U pamiaškańniach stajać videakamiery. Dźviarej niama, ale jość kraty — byccam napamin pra turmu. Pabyvaŭšy ŭ takim miescy, ja dumaju, što niekatoryja zadumalisia i zrabili ci zrobiać vysnovu dla siabie: dzie lepš — tut ci tam?» — zadajecca pytańniem karespandent «Śvietłaha šlachu».
Sustreču Ryžankova ź Sikorskim paprasiŭ Minsk. Što kamanda Cichanoŭskaj abmiarkoŭvała z palakami da i paśla jaje11
Kamientary