Vykładčyca žurfaka BDU: Mnohija maładyja ludzi pierachodziać na biełaruskuju movu, kali niama čaho skazać aryhinalnaha
«Jak luby elitarny pradukt biełaruskaja mova maje svaju dastatkova abmiežavanuju i vuzkuju metavuju aŭdytoryju».
Biełaruskaja mova stała temaj novaha vypusku tok-šou «Da!No…» na STB. Adna z haściej — zahadčyca kafiedry mižnarodnaj žurnalistyki fakulteta žurnalistyki BDU, kandydat fiłałahičnych navuk Taćciana Saładoŭnikava — vykazała aryhinalny pohlad na situacyju ź biełaruskaj movaj u našaj krainie.
«Siońnia, na žal (moža być, na ščaście), ale biełaruskaja mova — heta elitarny pradukt pieradusim. Dla moładzi heta pakazčyk intelektualnaści, intelihientnaści. Ale jak luby elitarny pradukt jana maje svaju dastatkova abmiežavanuju i vuzkuju metavuju aŭdytoryju. Heta, na žal (ci na ščaście), treba pryznać», — zaŭvažyła Saładoŭnikava.
Jana zadajecca pytańniem: ci hatovaje naša hramadstva, jakoje zbolšaha razmaŭlaje pa-rusku, pryniać elitarnaść biełaruskaj movy?
Na pohlad Saładoŭnikavaŭ, siońnia biełaruskaja mova šmat u čym «niekalki śpiekulatyŭnaja tema»:
«Mnohija maładyja ludzi pierachodziać na biełaruskuju movu, kab vyłučycca, pakazać svaju vyklučnaść. Druhi momant — heta viadzieńnie sacyjalnych sietak, błohaŭ. Kali niama čaho skazać inšaha aryhinalnaha, prapanavać aryhinalny kantent, błohiery mnohija pierachodziać na biełaruskuju movu. Kab źviarnuć uvahu. I nie zaŭsiody heta, na žal, papularyzacyja movy».
Jaje słovy aburyli niekatorych u studyi.
Cikava, što dahetul prafiesar žurfaka BDU Viktar Iŭčankaŭ raskazvaŭ u tok-šou, što na praciahu čatyroch apošnich hadoŭ cikavaść da biełaruskaj movy raście. Praŭda, pryčynu ahučyŭ pa-svojmu.
«Heta źviazana, vidać, z toj sistemnaj pracaj, jakaja pravodzicca ŭ našaj krainie», — skazaŭ Iŭčankaŭ.
Ciapier čytajuć
Chto zabaraniaje ŭ Biełarusi knihi — voś hetyja 22 čałavieki12
Chto zabaraniaje ŭ Biełarusi knihi — voś hetyja 22 čałavieki
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami9191
Kamientary
Citata Łukašienko: "Ludi, kotoryje hovoriat na biełorusskom jazykie, nie mohut ničieho diełať, kromie kak razhovarivať na niom, potomu čto po-biełorusski nielzia vyraziť ničieho vielikoho. Biełorusskij jazyk — biednyj jazyk. V mirie suŝiestvujet tolko dva vielikich jazyka — russkij i anhlijskij"
Saładoŭnikava, jak daśviedčanaja idyjołahinia, vydatna adčuvaje nosam hienieralnuju liniju, a tamu prosta skacilisia da haniebnaha uraŭnańnia biełaruskamoŭnaści ź niazdolnaściu da "aryhinalnaści".