Pra zatrymańnie Ihara Iljaša paviedamlałasia siońnia ranicaj.
Paźniej HUBAZiK apublikavaŭ videa z byłym žurnalistam Iharam Iljašom. U videa jon kaža, što davaŭ intervju pra svaju palitźniavolenuju žonku miedyja, jakija ŭłady paśla pryznali «ekstremisckimi farmavańniami». A taksama, što kamientavaŭ ukrainskamu žurnalistu pytańnie pra ŭdzieł Biełarusi ŭ vajnie.
Imavierna, heta stavicca Iljašu ŭ vinu.
Ihar Iljaš — były žurnalist. Jaho žonku Kaciarynu Andrejevu (Bachvałavu) režym Łukašenki pakaraŭ za strym ź minskaj «Płoščy Pieramien» 15 listapada 2020 hoda.
U lutym 2021 hoda žurnalistcy «Biełsata» Andrejevaj prysudzili 2 hady źniavoleńnia pavodle 342 artykuła «za ŭdzieł u dziejańniach, jakija hruba parušajuć hramadski paradak», a ŭ 2022 hodzie, užo padčas adbyćcia pieršaha terminu, znoŭ — 8 hadoŭ i 3 miesiacy pavodle artykuła 356 ab «zdradzie dziaržavie». Sutnaść abvinavačvańniaŭ pa hetaj spravie dakładna nieviadomaja dahetul.
Były pamočnik Łukašenki Ihar Bryło pryznaŭ, što nabraŭ chabaraŭ na $2 miljony10
Kamientary