Raniej biełaruski piaciborac Illa Pałazkoŭ raskazvaŭ u sacyjalnych sietkach pra toje, što maryć pra alimpijski miedal. Chłopiec udzielničaŭ u Alimpijadzie ŭ Tokia i navat nios čyrvona-zialony ściah na cyrymonii zakryćcia. Ale adroksia mary i staŭ ryełtaram.
Illa Pałazkoŭ dvuchrazovy bronzavy pryzior čempijanataŭ śvietu pa sučasnym piaciborji, pieramožca finału Kubka śvietu ŭ mužčynskaj estafiecie.
Sioleta jon kazaŭ pra toje, što dumaje pra zaviaršeńnie spartyŭnaj karjery. U aficyjnych intervju spartoviec adznačaŭ, što stamiŭsia ad sportu.
— Dumaju, heta byŭ apošni moj siezon na mižnarodnaj arenie. Tamu što naš vid sportu pieražyvaje vialikija źmieny. Dyscyplina «kankur» u nas budzie zamienienaja. Mnie heta vielmi nie cikava, ja siabie nie baču ŭ sporcie. I suśvietnaje piaciborje jak vid sportu bolš nie baču.
Raniej Illa sprabavaŭ vyhladać aptymistam, niahledziačy na niadopusk praz sankcyi biełarusaŭ na prestyžnyja mižnarodnyja spabornictvy. I navat padtrymlivaŭ tezis prapahandy, što rasijski Kubak Ladniova — heta narmalnaja alternatyva Kubka śvietu.
Ale ž, napeŭna, zrazumieŭ, što šansaŭ realizavać maru ab alimpijskim zołacie z kožnym dniom stanovicca ŭsio mienš. Asabliva paśla taho, jak piaciborak Maryju Hniedčyk i Nastu Prakapienku nie dapuścili na Alimpijskija hulni ŭ Paryžy navat pry najaŭnaści licenzij.
— Dumaju, što heta vielmi niespraviadliva. Dziaŭčynki našy vielmi mocnyja. U pryvatnaści, Maša Hniedčyk zasłužyła pucioŭku bolš čym. Jana pakazała siabie vielmi mocnaj spartoŭkaj i, upeŭnieny, suśvietnaja elita ŭžo bajałasia jaje.
U lipieni Illa raspaviadaŭ žurnalistam, što padaŭ dakumienty ŭ mahistraturu ŭ Smalenski dziaržaŭny ŭniviersitet sportu.
Narešcie spartoviec pryniaŭ kančatkovaje rašeńnie pajści ź vialikaha sportu i raskazaŭ u instahramie, što staŭ ahientam pa nieruchomaści — abiacaje dapamahčy nabyć ci pradać kvateru. I raspaviadaje, što svaju kvateru nabyŭ u 24 hady, pazyčyŭšy hrošy ŭ siabroŭ.
Pieršaj sa źmienami ŭ žyćci jaho ŭ instahramie pavinšavała žonka — viadučaja Biełteleradyjokampanii Maryja Bahatyr, jakaja niadaŭna viała i «Marafon adzinstva» ŭ Homieli. Jana, u adroźnieńnie ad muža, sioleta ŭ Paryž trapiła. Praŭda, u Francyju Maryja pajechała nie jak žurnalistka na Alimpijadu — jana viesieła baviła čas ź siabroŭkaj u Dysnejłendzie.
Vital Hurkoŭ skončyŭ spartyŭnuju karjeru
Žonka biełaruskaha bodzibiłdara Illi «Holema» Jefimčuka raskazała, jak jon pamior u najlepšaj klinicy Prahi i što stała pryčynaj
Staŭ baćkam padčas Alimpijady. Chto taki Jaŭhien Załaty — naša nadzieja ŭ viesłavańni
Valejbalist zbornaj Biełarusi zaviaršyŭ karjeru i staŭ psichaterapieŭtam u Varšavie
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary