Na aeradromie ŭ Lipkach sabrali zvyš 50 latalnych aparataŭ roznych epoch. Siarod ekspanataŭ — madel Jak-18, na jakoj vučyŭsia lotać Juryj Haharyn. Samalot MiH-21 adsłužyŭ u Afhanistanie i viarnuŭ dadomu ŭsich biełaruskich lotčykaŭ. A pobač ź im možna ŭbačyć bort Tu-154, na jakim z 1995 pa 2016 hod lotali ŭradavyja delehacyi, piša «Anłajnier».
Technikaj možna lubavacca nie tolki zvonku. U muziei vybrali 10 samalotaŭ dla «poŭnaha pahružeńnia»: naviedvalniki muzieja mohuć zazirnuć u fiuzielaž i pasiadzieć u kabinie piłotaŭ.
Akramia avijacyjnaj ekspazicyi, u muziei sabranaja i kaśmičnaja technika. Tut źmiaścili dva spuščalnyja karabli «Sajuz», jakija śpiecyjalna dastavili ŭ Lipki z padmaskoŭnaha Karalova.
Zavajavańniu kosmasu taksama pryśviečanyja tematyčnyja paviljony z rečami šaści kasmanaŭtaŭ i ich asabistymi spravami.
Muziej adkryty z aŭtorka pa niadzielu z 10:00 da 18:00. Darosły bilet kaštuje 15 rubloŭ, dla školnikaŭ i studentaŭ — 8, a dziaciej da 6 hadoŭ puskajuć biaspłatna.
Ciapier čytajuć
Andrej Švied, architektar represij, pryznačany staršynioj Viarchoŭnaha suda24
Kamientary