Pad Hrodnam pradajuć ruiny byłoha vadzianoha młyna XIX stahodździa
U Sapockinie pradajuć budynak byłoha vadzianoha młyna. Jon datujecca XIX stahodździem — bolš dakładnyja źviestki nie zachavalisia. Kala młyna praciakaje ručaj, jaki ŭpadaje ŭ Aŭhustoŭski kanał. Abjava źjaviłasia na sajcie «Mahazin niedvižimosti», piša Hordna.life.
Młyn pabudavany ŭ styli fachvierk (raznavidnaść karkasnaha domabudavańnia, typovaja dla sialanskich pabudoŭ) z cehły i butabietonu. Jon znachodzicca ŭ asiarodździ lasnoha masiva i kaskadu azior.
Płošča ŭčastka — 45 sotak, budynka — 331 kv.m., abjom budynka — 1550 m³, płošča zabudovy — 218 m². Znos budynka — 70%: častkova zachavalisia ścieny, niama dachu. Jość mahčymaść padklučycca da elektrazabieśpiačeńnia. Košt — $ 18 000
Pradaŭcy adznačajuć, što ŭsia akruha Sapockina — muziej pad adkrytym niebam. Pobač znachodzicca Aŭhustoŭski kanał, farty Hrodzienskaj krepaści, pałacava-parkavy kompleks «Śviack», samyja staryja ŭ Biełarusi jaŭrejskija mohiłki z pachavańniami XIII stahodździa.
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram11
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary