Etel Kenedzi, starejšyna samaj viadomaj palityčnaj siamji ZŠA, pierajemnica baraćby svajho muža Robierta F. Kienedzi za hramadzianskuju spraviadlivaść, pamierła va ŭzroście 96 hadoŭ. 8 kastryčnika jaje špitalizavali ź insultam, piša Rasijskaja słužba «Radyjo Svabody».
«Z sercami, poŭnymi lubovi, my abviaščajem pra śmierć našaj cudoŭnaj babuli Etel Kenedzi», — zajaviŭ u čaćvier jaje ŭnuk, były člen Pałaty pradstaŭnikoŭ Džo Kenedzi III. «Jana pamierła siońnia ranicaj ad uskładnieńniaŭ, źviazanych ź insultam, pieraniesienym na minułym tydni».
«Pobač z pažyćciovaj pracaj u śfiery sacyjalnaj spraviadlivaści i pravoŭ čałavieka naša maci pakinuła paśla siabie dzieviać dziaciej, 34 ŭnuki i 24 praŭnuki, a taksama mnostva plamieńnic i plamieńnikaŭ, jakija ŭsie jaje vielmi lubili», — dadali ŭ zajavie.
Etel naradziłasia ŭ krasaviku 1928 hoda ŭ Čykaha ŭ siamji biznesmiena Džordža Skiejkiela, zasnavalnika kampanii Great Lakes Carbon Corporation. Dziacinstva jana praviała ŭ Hrynvičy, Kanektykut, dzie jaje siamja žyła ŭ vialikim majontku. U 1945 hodzie pastupiła ŭ kaledž Manchetanvil. Tam ža jana paznajomiłasia z Džyn Kenedzi, siastroj svajho budučaha muža — Robierta Kienedzi.
U 1949 hodzie Etel skončyła kaledž, atrymaŭšy stupień bakałaŭra, a ŭžo praz hod adbylisia jaje zaručyny, a zatym i viasielle z Robiertam Kienedzi. Za 18 hadoŭ šlubu ŭ Robierta i Etel naradzilisia 11 dziaciej. Jašče da šlubu Etel pačała dapamahać svajmu mužu ŭ palityčnych spravach — spačatku padčas vybaraŭ u Kanhres, a paźniej i padčas prezidenckich vybaraŭ.
U 1963 hodzie, kali ŭ Dałasie byŭ zabity prezident Džon Kienedzi, Robiert pakinuŭ pasadu hienieralnaha prakurora i nieŭzabavie byŭ abrany ŭ Sienat ZŠA. U 1968 hodzie jon vyrašyŭ bałatavacca na pasadu prezidenta. 5 červienia jon byŭ zabity, vystupajučy z pramovaj u jakaści pieramožcy na prajmieryz u Kalifornii.
Etel Kenedzi bolš nie vychodziła zamuž. Jana pieražyła dvuch synoŭ. Devid pamior u 1984 hodzie va ŭzroście 28 hadoŭ ad pieradaziroŭki narkotykami. Majkł pamior praz 13 hadoŭ — urezaŭsia ŭ dreva padčas katańnia na łyžach. U hod śmierci muža Etel zasnavała niekamiercyjnuju arhanizacyju Robert F. Kennedy Human Rights (ciapierašniaja nazva) pa abaronie pravoŭ čałavieka. Z 2018 hoda jaje prezidentam źjaŭlajecca dačka Džona i Žaklin Kenedzi — Kerałajn.
U 2014 hodzie prezident ZŠA Barak Abama ŭručyŭ Etel Kenedzi najvyšejšuju hramadzianskuju ŭznaharodu krainy — Załaty miedal Kanhresa ZŠA.
«Jana — simvał niepachisnaj viery i nadziei navat pierad tvaram nievynosnych strat i hora», — skazaŭ Abama padčas cyrymonii ŭ Biełym domie.
Ciapier čytajuć
Siłaviki śćviardžajuć, što zatrymali dvuch mužčyn za hałasavańnie na vybarach u KR. Ale ci možna hetamu vieryć?14
Kamientary