Za što biełarusaŭ mohuć departavać z Polščy? Tłumačyć polskaja pamiežnaja słužba
Polskaja Pamiežnaja słužba ŭzmacniaje miery suprać zamiežnikaŭ, jakija parušajuć zakon: adrazu paśla vyzvaleńnia z turmy niekatorych ź ich departujuć i vydajuć zabaronu na paŭtorny ŭjezd u Polšču i Šenhienskuju zonu.
Zamiežniki, asudžanyja za kantrabandu ludziej, kiravańnie ŭ stanie ałkaholnaha apjanieńnia i narkatyčnyja złačynstvy, paśla adbyćcia pakarańnia nieadkładna departujucca i atrymlivajuć «voŭčy bilet» — zabaronu na ŭjezd u Šenhienskuju zonu. Pra heta piša vydańnie Rzeczpospolita, jakoje nahadvaje, što heta miera ŭžo ŭžyvałasia da kurjeraŭ, jakija letaś pieravozili nielehalnych mihrantaŭ pa Bałkanskim maršrucie.
Jak paviedamiŭ vydańniu pradstaŭnik Pamiežnaj słužby Polščy Šymon Maścicki, hetyja miery prymajucca dla abarony hramadskaj biaśpieki i paradku.
Maršrut praz polska-słavackuju miažu byŭ adnym z asnoŭnych dla nielehalnych mihrantaŭ, jakija nakiroŭvalisia ŭ Hiermaniju.
Mihrantaŭ departavali na praciahu 48 hadzin u ramkach sproščanaj readmisii, a kantrabandysty paśla sudu traplali ŭ turmy. Niekatoryja ź ich užo vyzvalilisia, inšyja chutka taksama buduć na voli i padlahajuć departacyi.
Hetaja praktyka isnavała i raniej, ale ciapier słužba pracuje va ŭzmocnienym režymie ŭ suviazi z rostam vypadkaŭ parušeńnia zakona zamiežnikami. Pry hetym im zabaronieny paŭtorny ŭjezd u Šenhienskuju zonu na termin ad niekalkich da dziesiaci hadoŭ.
Da siaredziny vieraśnia 2023 hoda polskaja Pamiežnaja słužba atrymała kala 570 paviedamleńniaŭ ab vyzvaleńni zamiežnikaŭ z turmaŭ i praviała 70 pravierak ich dakumientaŭ. Tych, chto ŭjaŭlaje pahrozu biaśpiecy, uklučajučy asobaŭ, jakija ŭvachodziać u złačynnyja hrupy abo časta parušajuć zakon, nieadkładna departujuć. Siarod takich šmat hramadzian Ukrainy i Biełarusi.
Asablivuju ŭvahu polskija ŭłady źviarnuli na niećviarozych kiroŭcaŭ. Raniej jany adčuvali siabie biespakaranymi, ale ciapier tych, chto nieadnarazova parušaŭ zabaronu na kiravańnie ŭ stanie ałkaholnaha apjanieńnia, departujuć z krainy pad kanvojem.
Pa infarmacyi pres-sakratara Pamiežnaj słužby, da červienia 2023 hoda z Polščy było departavana bolš za 500 zamiežnikaŭ. Za ŭvieś minuły hod — 1200.
Pavodle vydańnia, u 2023 hodzie ŭ Polščy 17,3 tysiačy zamiežnikaŭ učynili złačynstvy, što na 2,4 tysiačy bolš, čym u papiarednim hodzie. Z hetych złačynstvaŭ 4,9 tysiačy (prykładna tracina) źviazany z kiravańniem u stanie ałkaholnaha apjanieńnia (70% ź ich ździejśnieny ŭkraincami, a 25% — hruzinami).
Za čatyry hady kolkaść zamiežnikaŭ u polskich turmach pavialičyłasia amal udvaja — z 1267 da 2407. Siarod źniavolenych daminujuć ukraincy, hruziny i biełarusy, bolšaść ź jakich adbyvaje pakarańnie za złačynstvy suprać biaśpieki darožnaha ruchu (pjanstva i DTZ), rabavańni, bojki i zabojstvy.
Polšča buduje elektronny barjer na pamiežnaj ź Biełaruśsiu race Buh
Za paŭhoda polskija pamiežniki vyjavili 800 biełarusaŭ, jakija nielehalna znachodzilisia ŭ Polščy
Ź Biełarusi da polskich pamiežnikaŭ uciakła niamieckaja aŭčarka. Tam i zastaniecca
«Adbyvajecca hienacyd biełarusaŭ». Polski taksist Dabratvor pieravysiŭ chutkaść na 50 km/h i zastaŭsia biez pravoŭ
Ciapier čytajuć
U Mahilovie złavili mańjaka-lifciora, jaki ŭ 1990‑ia zhvałtavaŭ i zabiŭ vosiem dziaŭčat3
U Mahilovie złavili mańjaka-lifciora, jaki ŭ 1990‑ia zhvałtavaŭ i zabiŭ vosiem dziaŭčat
«Biełarusy nahadvajuć čałavieka z tryvožnym razładam». Paet Vital Ryžkoŭ pra zvańnie seks-simvała paezii, batł z Najdzionavym, Karža i Cichanoŭskuju1818
«Biełarusy nahadvajuć čałavieka z tryvožnym razładam». Paet Vital Ryžkoŭ pra zvańnie seks-simvała paezii, batł z Najdzionavym, Karža i Cichanoŭskuju18
«U Viciebsku zachodziŭ u tralejbus i kazaŭ «Słava Ukrainie!». Ukrainca ŭ 67 hadoŭ pasadzili za kamienty, napisanyja paśla hibieli chrosnaj dački pad abstrełam u Kijevie1212
Kamientary