Asudžany na 10 hadoŭ kałonii advakat Maksim Znak pravioŭ hod u adzinočnaj kamiery PKT u viciebskaj kałonii. Pra heta raspavioŭ vydańniu «Salidarnaść» adzin z asudžanych pavodle «spravy Zielcera», jaki adbyvaŭ pakarańnie razam ź jurystam.
Andreja zatrymali ŭ 2021 hodzie pa «spravie Zelcera», jon adbyvaŭ pakarańnie ŭ viciebskaj kałonii №3. U hety čas u hetaj kałonii adbyvaŭ pakarańnie i Maksim Znak. Mužčyna kaža, što pra Znaka ŭ kałonii chadziła roznaja infarmacyja: chtości kazaŭ, što jaho pieraviali na strohi režym, ale jasnaści nie było nijakaj.
Kali Andreja pasadzili ŭ ŠIZA, jon pa vientylacyi pačaŭ havaryć z mužčynam, jaki pradstaviŭsia Maksimam Znakam. Andrej kaža, što dziakujučy niekatorym sposabam jamu ŭdałosia pierakanacca ŭ tym, što čałaviek sapraŭdy Maksim Znak.
Surazmoŭca Andreja raspavioŭ, što ŭžo hod (znosiny adbyvalisia ŭ kancy 2023 hoda) siadzić adzin u PKT. Skazaŭ, što adzinočnaje źniavoleńnie maralna dajecca jamu ciažka, ale jon trymajecca. Paźniej da Znaka administracyja kałonii padsadziła čałavieka nie ź liku palitviaźniaŭ.
Apošni raz sa Znakam Andrej kantaktavaŭ pierad svaim vyzvaleńniem — u studzieni 2024 hoda.
— Ja siadzieŭ u tym liku z palitviaźniami, jakija prysudžanyja da vialikich terminaŭ — ad 10 hadoŭ. Ale jany zachoŭvajuć pazityŭny nastroj. Viedaju, što niekatorych schilali da pryznańnia viny i napisańnia pamiłavańnia, ale jany admaŭlalisia, — kaža Andrej.
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca10
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2222
Kamientary