Асуджаны на 10 гадоў калоніі адвакат Максім Знак правёў год у адзіночнай камеры ПКТ у віцебскай калоніі. Пра гэта распавёў выданню «Салідарнасць» адзін з асуджаных паводле «справы Зельцэра», які адбываў пакаранне разам з юрыстам.
Андрэя затрымалі ў 2021 годзе па «справе Зэльцэра», ён адбываў пакаранне ў віцебскай калоніі №3. У гэты час у гэтай калоніі адбываў пакаранне і Максім Знак. Мужчына кажа, што пра Знака ў калоніі хадзіла розная інфармацыя: хтосьці казаў, што яго перавялі на строгі рэжым, але яснасці не было ніякай.
Калі Андрэя пасадзілі ў ШІЗА, ён па вентыляцыі пачаў гаварыць з мужчынам, які прадставіўся Максімам Знакам. Андрэй кажа, што дзякуючы некаторым спосабам яму ўдалося пераканацца ў тым, што чалавек сапраўды Максім Знак.
Суразмоўца Андрэя распавёў, што ўжо год (зносіны адбываліся ў канцы 2023 года) сядзіць адзін у ПКТ. Сказаў, што адзіночнае зняволенне маральна даецца яму цяжка, але ён трымаецца. Пазней да Знака адміністрацыя калоніі падсадзіла чалавека не з ліку палітвязняў.
Апошні раз са Знакам Андрэй кантактаваў перад сваім вызваленнем — у студзені 2024 года.
— Я сядзеў у тым ліку з палітвязнямі, якія прысуджаныя да вялікіх тэрмінаў — ад 10 гадоў. Але яны захоўваюць пазітыўны настрой. Ведаю, што некаторых схілялі да прызнання віны і напісання памілавання, але яны адмаўляліся, — кажа Андрэй.
-
Мішусцін: Цана газу для стран ЕАЭС не перавышае 200 даляраў за 1000 кубаметраў
-
Ціханоўскі лайкнуў камент «У Вольнай Беларусі Ціханоўская будзе сядзець за свае злачынствы»
-
Памятаеце вар’яцкую гонку ў Брэсце, падчас якой загінула трое? На ВІДЭА з экшн-камеры матацыкліста відаць, што ён разагнаўся да 186 км/г
Цяпер чытаюць
Памятаеце вар’яцкую гонку ў Брэсце, падчас якой загінула трое? На ВІДЭА з экшн-камеры матацыкліста відаць, што ён разагнаўся да 186 км/г3
Каментары