Žychar z afrykanskaha Burkina-Faso pierajechaŭ u Hrodzienskuju vobłaść i pracuje traktarystam
Miascovyja zavuć Ulrycha Jura.
Ulrych Uedraaha paśla pierajezdu pracuje traktarystam u ahraharadku Viardamičy Śvisłackaha rajona, piša Hrodna.life.
Miascovyja nazyvajuć jaho Juram. Ulrych žanaty z haradzienkaj Taćcianaj, i ŭ ich jość dačka Hłoryja. Jon svabodna vałodaje francuzskaj, anhlijskaj i ruskaj movami.
Ulrych raspavioŭ, što palubiŭ Śvisłač i pryznaŭsia, što ŭžo nie moža ŭjavić svajo žyćcio biez hetaha miesca.
«Heta raj na ziamli! Heta najpryhažejšaja pryroda. Unikalnaja architektura — šmat staradaŭnich budynkaŭ roznych epoch», — dzielicca jon uražańniami.
Asabliva jaho zachaplajuć pomniki hierojam Vialikaj Ajčynnaj vajny, a taksama manumienty Leninu i Stalinu, jakija, na jaho dumku, źjaŭlajucca važnaj častkaj historyi.
Ulrych adznačyŭ, što nikoli nie sutykaŭsia z prajavami rasizmu ŭ Biełarusi. Naadvarot, miascovyja žychary dapamahali jamu ŭ pieršy čas, prynosiačy pradukty i navat padaryli futra.
U svajoj žartaŭlivaj maniery Ulrych raspavioŭ, što ŭ dziacinstvie jaho pałochali muchaj cece, ukusu jakoj jon nibyta bajaŭsia bolš za ŭsio. Ale, paśmiajaŭšysia, jon dadaŭ, što nasamreč jaho hałoŭny strach — vajna. «A ŭ našaj Biełarusi spakojna i mirna», — adznačyŭ jon.
Ulrych taksama vykazaŭ zachapleńnie Łukašenkam, jaki, ź jahonych słoŭ, kruty i zabiaśpiečvaje stabilnaść u krainie: «niezdarma ž usie jaho baćkam kličuć».
Ulrycha asabliva ŭraziła biełaruskaja sistema achovy zdaroŭja i košty:
«Ale samaje hałoŭnaje — miedycyna. U inšych krainach na daktaroŭ i ich pasłuhi iduć hihanckija hrošy, a ŭ Biełarusi ŭsie pasłuhi biaspłatnyja. I naohuł, ceny ŭ krainie nievysokija, tamu prostamu čałavieku žyć lohka. Dobra pracuj – i atrymaješ hodny zarobak i žyllo».
Praca traktarystam Ulrychu taksama padabajecca, ale čamuści małady čałaviek płanuje pastupić u adnu z VNU Hrodna, kab vyvučycca na ekanamista.
Ciapier čytajuć
Ściapan Puciła: Mianie sprabavali vykraści z dapamohaj pasolstva Biełarusi ŭ Varšavie15
Ściapan Puciła: Mianie sprabavali vykraści z dapamohaj pasolstva Biełarusi ŭ Varšavie
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič77
Kamientary