Abviaścili Tydzień salidarnaści z mastačkaj Ninaj Marhajevaj. U jaje vyjavili bakavy amijatrafičny skleroz
Biełaruskaja rada kultury abviaściła Tydzień salidarnaści z mastačkaj Ninaj Marhajevaj, jakaja apynułasia na emihracyi ŭ adčajnaj situacyi z-za niečakanaj ciažkaj chvaroby. Usie danaty, jakija pastupiać na adras Biełaruskaj rady kultury ciaham hetaha tydnia, abiacajuć pieradać hetaj žančynie.
Mastačka Nina Marhajeva dva hady tamu razam z 12-hadovym synam Mironam była vymušanaja vyjechać ź Biełarusi ŭ Polšču, dzie atrymała status dadatkovaj abarony.
U studzieni 2023 hoda ŭ Varšavie ŭ Niny dyjahnastavali bakavy amijatrafičny skleroz (BAS). Na hety momant chvaroba źjaŭlajecca nievylečnaj.
«Ja zdymaju kvateru, utrymlivaju syna i pakryvaju ŭsie vydatki na lačeńnie. U ciapierašni čas moj fizičny stan značna pahoršyŭsia (nie mahu ruchacca biez padtrymki, ruki amal nie pracujuć, chudnieju), i mnie patrebnaja dapamoha apiekuna, jakomu taksama treba płacić», — piša Nina Marhajeva ŭ abviestcy.
Biełaruskaja rada kultury zaklikaje ŭsich nieabyjakavych biełarusaŭ dałučycca da zboru. Akramia sabranych srodkaŭ, jakija pastupiać na rachunak arhanizacyi, jaje kiraŭnictva taksama abiacaje šukać dadatkovyja mahčymaści dla dapamohi Ninie.
Achviaravać hrošy dla padtrymki Niny Marhajevaj možna tut.
Inšaja mahčymaść dapamahčy chvoraj biełaruscy — praz dabračynnuju fundacyju.
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja90
Kamientary