Mižnarodny humanitarny fond — kamu jon budzie dapamahać i kolki tam ciapier hrošaj
Mižnarodny humanitarny fond — novy prajekt pa dapamozie palitviaźniam, jaki chutka startuje. Na pres-kanfierencyi ŭ Vilni raskazali pra jaho.
Padčas vystupu na pres-kanfierencyi Śviatłana Cichanoŭskaja padkreśliła, što fond stvarajecca nie zamiest isnujučych humanitarnych arhanizacyj, a ŭ dadatak da ich.
Unieści hrošy ŭ fond mohuć dziaržavy, arhanizacyi i nieabyjakavyja miecenaty, ciapier u im kala 1,3 miljona jeŭra. Chutka budzie padpisany adpaviedny kantrakt z Narviehijaj, ale arhanizatary fondu kažuć, što jašče niekalki krain hatovyja paŭdzielničać u papaŭnieńni fondu.
Kiravańnie fondam budzie kalektyŭnym, za jaho adkažuć sami pravaabaroncy i humanitarnyja arhanizacyi. Taksama im budzie zajmacca naziralnaja rada ź dzieviaci čałaviek — miedyjščyki, supracoŭniki humanitarnych arhanizacyj i pradstaŭniki mižnarodnych partnioraŭ fondu.
Ciapier u fond uvachodziać vosiem arhanizacyj: «Bajsoł», «Bajchełp», «Kraina dla žyćcia», Dissidentby, «Volnyja», INeedHelp i jašče dźvie arhanizacyi, jakija pakul nie nazvanyja publična. Hetyja arhanizacyi zmohuć zapytvać u fondu srodki na svaje prahramy. Abjadnany pierachodny kabiniet i Ofis Cichanoŭskaj nie buduć umiešvacca ŭ pracu fondu.
Atrymać dapamohu ad fondu zmohuć palitźniavolenyja, ich siemji i biełarusy, jakija trapili pad katavańni. Fokus — na biełarusach unutry krainy.
Abiacajuć, što ŭ fondu buduć nulavyja administracyjnyja vydatki, bo finansavańnie takich patreb voźmuć na siabie arhanizacyi-čalcy fondu.
Cichanoŭskaja adznačaje:
«Dapamoha represavanym nie zamianiaje pracy pa vyzvaleńni palitviaźniaŭ. Heta dva napramki, jakija my viadziem adnačasova, i naš pryjarytet — vyzvalić ludziej z turmaŭ. Ale ž fond budzie vialikaj dapamohaj dla tych, chto ŭžo vyjšaŭ na volu ci jašče znachodzicca za kratami».
«Naša Niva» — bastyjon biełaruščyny
PADTRYMAĆ
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary
Jak Kabiniet nie budzie ŭpłyvać na hety fond, kali novaja pryznačenka Zazulinskaja budzie i ŭ Kabiniecie, i ŭ partnery fonda? Kanfliktu intaresaŭ zusim niama!
Hańba hańbaj pahaniaje ŭsio, što robić biesterminovaja lidarka.