U Rasii ŭ horadzie Nabiarežnyja Čaŭny siońnia byŭ zatrymany były staršynia Usietatarskaha hramadskaha centra Zinur Ahliulin. U vieraśni sioleta ŭ dačynieńni da jaho raspačali kryminalnuju spravu pavodle artykuła KK RF ab «raspalvańni mižnacyjanalnaj varožaści» pamiž rasiejcami i tatarami, piša «Radyjo Svaboda».
Žonka Ahliulina paviedamiła, što ranicaj da ich u dom uvarvalisia palicejskija i praviali pieratrus. Adzin sa śledčych paviedamiŭ, što na Ahliulina adkrytaja kryminalnaja sprava «za prapahandu ekstremizmu». Žonka aktyvista taksama dadała, što pieratrusy prajšli i ŭ inšych aktyvistaŭ arhanizacyi.
Pavodle źviestak telehram-kanała «Tatarskaja jakudza», letaś Zinur Ahliulin dałučyŭsia da ruchu «Tatarskaja narodnaja partyja Janharyš», jaki ŭ žniŭni hetaha hoda byŭ pryznany ekstremisckim Viarchoŭnym sudom Tatarstana. Ahliulin nibyta ŭznačalvaŭ adździaleńnie Janharyš u Nabiarežnych Čaŭnach i pryciahvaŭ novych prychilnikaŭ.
Usietatarski hramadski centr (UTHC) — najbolš viadomaje hramadska-palityčnaje abjadnańnie tatarskaha nacyjanalnaha ruchu. Jon byŭ zasnavany ŭ 1988 hodzie. U pačatku 1990-ch hadoŭ arhanizacyja patrabavała nadańnia Tatarstanu paŭnavartasnaha suvierenitetu. U apošnija hady svajho isnavańnia UTHC vystupaŭ u padtrymku asablivaha statusu respubliki, a taksama ŭ abaronu tatarskaj movy jak dziaržaŭnaj u rehijonie.
U studzieni 2021 hoda prakuratura Tatarstana zapatrabavała pryznać UTHC «ekstremisckim». Nahladnaje viedamstva vyjaviła prykmiety ekstremizmu ŭ vystupach tatarskich aktyvistaŭ na mitynhu ŭ pamiać pra achviary rasijskaha zachopu Kazani ŭ XVI stahodździ.
10 červienia 2022 hoda UTHC byŭ pryznany ekstremisckaj arhanizacyjaj i likvidavany pa rašeńni Viarchoŭnaha suda Tatarstana.
Ciapier čytajuć
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy26
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje77
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje7
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1414
Kamientary
Padtrymlivajem volu tatarskaha naroda da svabody ad kryvavaj rasiejskaj imperyi.