U Čarnobylskaj zonie novy pažar: pryciahnuli čatyry sotni ratavalnikaŭ
U Čarnobylskaj zonie ŭźnik novy pažar — jaho tušać užo druhija sutki, ciapier pryciahnutyja 4 sotni pažarnych.
«Na Kijeŭščynie praciahvajecca likvidacyja pažaru na adkrytaj terytoryi. Ciapier na miescy pracujuć 399 ratavalnikaŭ, 103 adzinki techniki ad DSNS, pryciahnutych z roznych kutkoŭ Ukrainy, a taksama 17 adzinak techniki ad lasnoj haspadarki. Z-za mocnaha vietru ahoń chutka raspaŭsiudžvajecca na novyja ŭčastki», — paviedamiła ŭkrainskaja słužba pa nadzvyčajnych situacyjach.
Taksama paviedamlajecca, što da likvidacyi pažaru pryciahnuli 5 adzinak ciažkaj inžyniernaj techniki dla stvareńnia minieralizavanych pałos — pracujuć buldoziery, traktary i ciažkija ciahačy.
Jak udakładniła ŭ kamientary «UP» śpikier DSNS u Kijeŭskaj vobłaści Viktoryja Ruban, heta novy pažar u Čarnobylskaj zonie.
«Tak, heta novy ačah uzharańnia ŭ Čarnobylskaj zonie. Niekalki dzion tamu tam užo byŭ pažar. Toj ačah patušyli. Heta ŭžo novy ŭ inšym miescy. Likvidacyja praciahvajecca druhija sutki», — rastłumačyła Ruban.
3 vieraśnia paviedamlałasia, što ŭ Čarnobylskaj zonie haryć lasnaja podściłka, ahoń raspaŭsiudziŭsia na płošču kala 20 hiektaraŭ.
Viečaram 7 vieraśnia paviedamlali, što ŭ Čarnobylskaj zonie, dzie praciahvajucca pažary, ahniom projdziena bolš za 2600 hiektaraŭ terytoryi, radyjacyjny fon u normie.
Siońnia viecier — paŭdniovy, i smoh moža znoŭ iści na našu krainu.
Žychary centra i zachadu Biełarusi ŭžo niekalki dzion narakajuć na smuhu i pach haru.
Miž tym, MNS Biełarusi abviaściła papiaredžańnie pra nadzvyčajnuju pažarnuju niebiaśpieku na 9—10 vieraśnia na bolšaj častcy terytoryi Homielskaj i Mahiloŭskaj abłaściej. Mohuć być pažary ŭ pryrodnych ekasistemach, raspaŭsiudžvańnie ahniu na nasielenyja punkty, linii ŁEP i suviazi.
Ciapier čytajuć
Łukašenka patłumačyŭ, čamu jaho nie vidać pa sieradach i subotach11
Łukašenka patłumačyŭ, čamu jaho nie vidać pa sieradach i subotach
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary