Pucin zajaviŭ, što padtrymlivaje Charys na vybarach u ZŠA, bo jana zaraźliva śmiajecca
Kiraŭnik Rasii skazaŭ, što jaho favarytam na vybarach u ZŠA byŭ Džo Bajden, ale pakolki jon źniaŭsia z honki i rekamiendavaŭ kandydaturu Kamały Charys, to RF taksama jaje padtrymaje. Pra heta Pucin zajaviŭ na Uschodnim ekanamičnym forumie, piša «Mieduza».
«Što tyčycca favarytaŭ, to nie nam heta vyznačać. Heta vybar amierykanskaha naroda. Našym favarytam, kali možna tak skazać, byŭ spadar Bajden. Jaho źniali z honki, ale jon rekamiendavaŭ padtrymać mis Charys. I my tak zrobim, budziem jaje padtrymlivać».
Pucin zajaviŭ, što Donald Tramp, kali byŭ prezidentam ZŠA, «uvioŭ stolki sankcyj u dačynieńni da Rasii, kolki nivodny prezident raniej nie ŭvodziŭ».
«Jana (Charys) tak zaraźliva śmiajecca, heta kaža pra toje, što ŭ jaje ŭsio dobra. A kali ŭ spadaryni Charys usio dobra, moža, jana ŭstrymajecca ad takich dziejańniaŭ (uviadzieńnie sankcyj)» — zajaviŭ Pucin.
ZŠA nieadnarazova zajaŭlali pra ŭmiašańnie Rasii ŭ vybary ŭ Amierycy. Vybary prezidenta ZŠA projduć 5 listapada.
Mikoła Buhaj: Treba pieraharnuć staronku 2020-ha i pačać žyć novymi realijami53
Kamientary
Padtrymka tvaja prasiakaje z procilehłaje paŭkuli transatlantyčnym strumam, haračejšym za Halfstrym, burliviejšym ad Nijahary, Ziamlu i vykładaje piaščotnym jadvabnym kabiarcom pad maje šlachietnyja piatački prystupki na Kapitalijski pahorb da tronu z połymia i lodu
Kryvavaha Karuźlika .
Picierski Krasnaludak, złapany i pryšpileny da trybuny Kramloŭskaha Pałacu Schodaŭ prasiakalnym prakuroršynym rohatam, musić pryznać, što Dempartyja nia vorah, ale siabar RSFSR.
[Na tle ŭ cilivizary hraje estradny šlahier vakalna instrumentalnaha hurta bliščastahałovaje śpiavački Skin "Skunk Anansie" Sad, sad, sad]