U Banhładeš adna hihanckaja źmiaja prahłynuła inšuju hihanckuju hadzinu
Navukoŭcy zadakumientavali sustreču dźviuch asobin samaha bujnoha ŭ śviecie vidu źmiej niedaloka ad horada Čytahonh u Banhładeš. Trochmietrovy tyhrovy piton pasprabavaŭ žyŭcom prahłynuć prykładna takoha ž pa pamiery sietkavataha pitona.
Pavodle spravazdačy, apublikavanaj u śpiecyjalizavanym časopisie Reptiles and Amphibians, tyhrovamu pitonu spatrebiłasia kala dźviuch hadzin, kab całkam pahłynuć svaju zdabyču, piša Bild.
Pitony vyrastajuć da niekalkich mietraŭ u daŭžyniu, u niekatorych vypadkach — navat da šaści mietraŭ. Jany zabivajuć svaju zdabyču, udušvajučy jaje, a zatym źjadajuć. Z-za svaich pamieraŭ pitony niebiaśpiečnyja i dla čałavieka — asabliva kali źmiaja adčuje pahrozu.
Navukoŭcy pakul što nie zrazumieli, čamu adzin piton źjeŭ inšaha: na terytoryi, jakuju jany nasialajuć, vodzicca vialikaja kolkaść kurej, jakich značna praściej pieravaryć.
Daśledčyk Ašykur Rachman Šamie z Univiersiteta Daki, jaki naziraŭ za napadam adnoj źmiai na inšuju, miarkuje, što takim čynam jany zmahajucca za terytoryju.
«Jon kazaŭ, što zołata z saboj nie zabiareš, lepiej zrabić niešta dla inšych». Dačka biznesmiena Kalina raskazała, jak razam z bratam čakaje jaho z kałonii
Kamientary