Para z Kalinkavičaŭ paprasiła haściej prynieści na viasielle zamiest kvietak cacki dla chvorych dziaciej
Ź niezvyčajnaj prośbaj da ŭsich zaprošanych na svajo viasielle źviarnulisia Valeryja i Dźmitryj z Kalinkavičaŭ, jakija zusim niadaŭna pažanilisia. Jany paprasili ich nie kuplać dla maładych kvietak, a zamiest taho prynieści cacki dla nastupnaj pieradačy vałancioram arhanizacyi KinderVita, što dapamahaje ciažka chvorym dzieciam.
Reč u tym, što pierad hetym plamieńnik Dźmitryja kala dvuch hadoŭ zmahaŭsia ź niejrabłastomaj i bolšuju častku hetaha času znachodziŭsia ŭ ankacentry. Padtrymlivali jaho nie tolki členy siamji, ale i vałanciory KinderVita.
Valeryja raskazała, što jana dobra viedała pra dziejnaść arhanizacyi i sačyła za joj u sacsietkach.
«Zadoŭha da viasiella ŭbačyli post pra paru, jakaja paprasiła haściej zamiest kvietak prynieści cacki dla dziaciej. Ideja nam spadabałasia, zachacieli realizavać i na svajoj imprezie», — skazała dziaŭčyna.
Hości padtrymali inicyjatyvu i chutka zapoŭnili cackami pieradadzienuju vałanciorami skrynku. Praź niekalki dzion maładaja siamja pryviezła padarunki dla dziaciej u ofis vałanciorskaj arhanizacyi, jakaja paśla pieradaść ich u ankałahičny centr.
Historyja z chepi-endam: kinuty paśla fiestyvalu Pets Fest sabaka atrymaŭ novy dom
Chakieist Dźmitryj Mialeška, čyja žonka Nadzieja pamierła ad ankałohii, vykłaŭ fota ź siabrami — i atrymaŭ chvalu paprokaŭ
Domračava i Skardzina dałučylisia da čelendžu, kab sabrać hrošy na reabilitacyju dački Arzamasavaj
Ciapier čytajuć
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW Ch7 ź niamieckimi numarami paškodzili aŭto ŭ Minsku5
Kamientary
Kola Łu tožie chotieł priniesti čto -nibud́ v korobku no jeho nie prihłasili na svad́bu