Minčukoŭ prosiać nie pakidać rovary ŭ pierachodach stancyj mietro — inačaj buduć nastupstvy
Minski mietrapaliten źviarnuŭsia da haradžan z prośbaj nie pakidać rovary, samakaty i inšyja srodki pieramiaščeńnia ŭ piešachodnych pierachodach i kala ich. Kali nie prysłuchajucca, to rovary moža zabrać milicyja.
U aficyjnym paviedamleńni ad mietrapalitena havorycca, što pastupiła niekalki skarhaŭ ad pasažyraŭ na niapravilnyja pavodziny ŭładalnikaŭ rovaraŭ. Byli pryviedzieny kankretnyja vypadki, kali rovary, prykavanyja da parenčaŭ, pieraškadžali ludziam pieramiaščacca pa leśvicach piešachodnych pierachodaŭ stancyj mietro.
Pažyłyja i małamabilnyja ludzi, a taksama ciažarnaja žančyna źviarnulisia sa skarhami, pakolki takija pieraškody stvarajuć dla ich asablivyja niazručnaści i pavyšajuć ryzyku atrymańnia traŭmaŭ. Akramia taho, uładalniki srodkaŭ pieramiaščeńnia parušajuć praviły pažarnaj biaśpieki, što moža abciažaryć evakuacyju ŭ vypadku nadzvyčajnaj situacyi i stvaryć pieraškody dla ratavalnikaŭ.
U paviedamleńni taksama adznačajecca, što ŭžo byli vypadki, kali pravaachoŭnyja orhany kanfiskoŭvali takija srodki pieramiaščeńnia ŭ adpaviednaści z zakanadaŭstvam.
U Polščy aryštavali byłoha kiraŭnika biełaruskaha «Paspalitaha rušeńnia» — pahražaje 10 hod za narkotyki26
Kamientary