Stancyi minskaha mietro bolš nie budzie zataplać? Voś što pierarabili
Rašeńnie nie samaje estetyčnaje.
Pra ramont piša blizko.by.
18 lipienia ŭ Minsku zdaryłasia mahutnaja zaleva. Liŭnievyja patoki dabralisia i da padziemki. Časova zakrytyja dla pasažyraŭ byli stancyja «Park Čaluskincaŭ», viestybiul stancyi «Uschod». U tyktoku vykłali videa, na jakim vidać, jak pa prystupkach spusku na płatformu stancyi «Uschod» ciakuć kaskadnyja vadaspady.
Nieŭzabavie paśla hetaha na ramont začynili niekatoryja vychady sa stancyj mietro «Uschod» i «Park Čaluskincaŭ».
Tak, z 29 lipienia da 9 žniŭnia pierakryli vychady №№ 1-1 i 2-1 na stancyi «Uschod» i №№ 3-2 i 4-2 na stancyi «Park Čaluskincaŭ».
Pry hetym niekatoryja z hetych vychadaŭ niekalki hadoŭ tamu ŭžo zakryvali na ramont. Ale novy ramont zaklikany nie dapuścić vadaspadaŭ na leśvicach i płatformach stancyj mietro.
Što źmianiłasia? Dadali prystupki. Kali raniej na vychadach ź mietro była adna nievialikaja, to ciapier zrabili 2-4 prystupki. Atrymaŭsia vysoki podyum. Niedzie ŭžo pastavili pandus.
Tak było raniej la stancyi mietro «Uschod» (vychad 2-1):
A tak stała ciapier:
Tak było raniej la stancyi «Park Čaluskincaŭ» (vychad 4-2):
A heta ciapierašni varyjant:
A tak pierarabili vychad 3-2 sa stancyi «Park Čaluskincaŭ»:
U pres-słužbie Minskaha mietrapalitena paćvierdzili, što prajekt ramontu praduhledžvaŭ rašeńnie prablemy zatapleńnia stancyj.
Ciapier čytajuć
Taksistka z Tadžykistana naśmierć źbiła biełarusku ŭ Polščy — i spakojna pakinuła krainu24
Kamientary