Siłaviki raskazali, jak im udałosia znajści abvinavačanaha ŭ žorstkim zabojstvie ŭ Sierabrancy
Alaksandr Lipski byŭ u vyšuku za zabojstva z 2021 hoda. «Naša Niva» raskazvała pra rezanansnaje złačynstva ŭ domie na Rakasoŭskaha ŭ Minsku. A ciapier Śledčy kamitet apubličyŭ viersiju taho, što adbyvałasia ŭ dzień zabojstva, a taksama jak i dzie jany znajšli Lipskaha.
U Lipskaha ŭźnik kanflikt sa šlubnaj paraj ź jahonaha padjezda — jon abvinavačvaŭ ich u tym, što jany ŭvieś čas zalivajuć jahonuju kvateru. Adnojčy svarka pierarasła ŭ bojku, i na Lipskaha zaviali spravu ab pryčynieńni mienš ciažkaha cialesnaha paškodžańnia. U sud abvinavačany tady nie źjaviŭsia, jaho abviaścili ŭ vyšuk.
Lipski tym časam vyrašyŭ adpomścić susiedziam i spłanavaŭ zabojstva. Ale jon nie viedaŭ, što siamja z taho adrasu pierajechała, addaŭšy kvateru svajakam — siastry žonki i jaje mužu. Takim čynam, Lipski zabiŭ nie taho čałavieka, jakoha źbiraŭsia.
Pradstaŭnik SK Alaksandr Suchadolski raskazaŭ «Minsk-Navinam» novyja padrabiaznaści zabojstva.
Dla kanśpiracyi Lipski nadzieŭ formiennaje adzieńnie baćki, kab być padobnym da supracoŭnika milicyi, tvar zakryŭ bałakłavaj, uziaŭ skuranuju tečku dla dakumientaŭ, u jakuju schavaŭ zbroju. Jon čamuści ličyŭ, što takaja ekipiroŭka nie vykliča padazreńniaŭ u ludziej, i jamu adčyniać dźviery.
U toj viečar muž i žonka znachodzilisia doma. Muž paciarpiełaj adpačyvaŭ paśla načnoj źmieny, a žančyna źbirałasia zabrać dačku ź dziciačaha sadka. U dźviery pazvanili, žančyna, jakaja ničoha nie padazravała, upuściła nieznajomca. Prosta z paroha Lipski staŭ pahražać zbrojaj haspadyni, zahadaŭ joj stać na kaleni, streliŭ niekalki razoŭ u hałavu i tułava.
Ad hukaŭ stralaniny ŭ susiednim pakoi pračnuŭsia muž zahinułaj. Jon vyjšaŭ pahladzieć, što zdaryłasia. Pierad jaho vačyma razharnułasia žudasnaja karcina: nieviadomy ŭ bałakłavie stajaŭ nad skryvaŭlenaj žonkaj i navodziŭ pistalet prosta na jaho.
Mužčynu vyratavała toje, što zbroja Lipskaha dała asiečku. Pakul napadnik sprabavaŭ strelić, haspadar kvatery akazaŭ jamu supraciŭ, a zatym vyskačyŭ z akna piataha paviercha. Minčuk atrymaŭ šmatlikija traŭmy, ale vyžyŭ.
Lipskaha šukali try hady. Śledčyja adpraŭlali zapyty ŭ Rasiju — byli zdahadki, što jon moh chavacca ŭ susiedniaj krainie. U žniŭni 2024 hoda siłaviki atrymali infarmacyju pra miescaznachodžańnie baćki Lipskaha. Milicyjaniery mierkavali, što toj padtrymlivaje adnosiny z synam i dapamahaje jamu chavacca. Tak i akazałasia, Lipski byŭ u Minsku ŭ baćki.
Padčas zatrymańnia Lipski adkryŭ stralbu pa siłavikach, byŭ paranieny i pamior u balnicy. Tym nie mienš, na jaho zaviali spravu ab zamachu na zabojstva supracoŭnika orhanaŭ unutranych spraŭ.
Kubrakoŭ: Lipski nakiravaŭ pistalet u tvar milicyjantu. Jon vioŭ prycelny ahoń, ale nichto nie zdryhanuŭsia
Zabojstva ŭ Sierabrancy: Lipski chacieŭ zabić nie 33-hadovuju susiedku, a jaje siastru. Ale pamyliŭsia, bo tyja pamianialisia kvaterami
«Likvidavany». U balnicy pamior chłopiec, jakoha siońnia zatrymali za zabojstva. Jon chavaŭsia razam z maci try hady
Što viadoma pra chłopca, jakoha vinavacili ŭ zabojstvie ŭ Sierabrancy i zastrelili pry zatrymańni
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary