Što viadoma pra chłopca, jakoha vinavacili ŭ zabojstvie ŭ Sierabrancy i zastrelili pry zatrymańni
Alaksandra Lipskaha nie mahli znajści try hady.
13 žniŭnia pry zatrymańni zastrelili 32-hadovaha Alaksandra Lipskaha, padazravanaha ŭ zabojstvie. Chłopca i jaho maci šukali try hady, ale znajšli tolki ciapier. Z dapamohaj «Biełpoła» «Naša Niva» daviedałasia pra jaho bolš.
Alaksandru Lipskamu było 32 hady. Naradziŭsia jon u horadzie Śvietłahorsku Homielskaj vobłaści.
Z prostaj siamji — maci pracavała aparatčycaj cecha chimvodapračystki na Śvietłahorskaj TEC. U 2009 hodzie siamja pierajechała ŭ Minsk, i jana ŭładkavałasia ŭ «Minskenierha». Zvolniłasia adtul u 2012, pracavała na «Amkadory», u klininhavaj kampanii, u piacizorkavym «Prezident-hateli» na vulicy Kirava.
Baćka tym časam byŭ na vachtach u Rasii, u asnoŭnym buravikom na naftavych stancyjach.
Lipski vučyŭsia ŭ Biełaruskim nacyjanalnym techničnym univiersitecie. U 2015 pajšoŭ pracavać na pradpryjemstva «Dyekas», jakoje zajmajecca techničnym absłuhoŭvańniem transpartu dla budaŭnictva. Paśla pierajšoŭ u «Biełarusnaftu». A ŭ 2018 adkryŭ IP ź vidam dziejnaści «Pasłuhi ŭ halinie suchaputnaha transpartu».
Alaksandr Lipski prapisany ŭ Viazyncy Maładziečanskaha rajona. U suviazi z hetym pra siamju pisali miedyja — kaapieratyŭ uziaŭ ź ich hrošy, kab pravieści haz, ale kinuŭ.
Chłopiec uvohule vioŭ zakryty ład žyćcia. Jon nie vioŭ sacsietak, na jaho nie byli zarehistravanyja telefonnyja numary, u internecie amal niama jaho fota.
A jašče Lipski mieŭ sudzimaść. 24 śniežnia 2018 hoda jon raspyliŭ u tvar niejkamu čałavieku hazavy bałončyk, paśla pabiŭ inšaha mužčynu. Za heta suprać jaho pačali kryminalnuju spravu, a paśla ŭziali pad vartu ŭ žniŭni 2019-ha. U śniežni 2019 jamu prysudzili 4 hady chimii i 3825 rubloŭ štrafu.
Alaksandra Lipskaha padazravali ŭ zabojstvie, ździejśnienym u listapadzie 2021 hoda. Tady jon sa zbrojaj uvajšoŭ u kvateru i streliŭ u 33-hadovuju žančynu. Jana pamierła. Jaje muž skoknuŭ z akna i zastaŭsia žyvy. A Alaksandra i jaho maci Raisu abjavili ŭ vyšuk.
Pa źviestkach «Biełpoła», mienavita na Rakasoŭskaha jon ździejśniŭ papiaredniaje złačynstva, za jakoje byŭ asudžany — tolki ŭ domie praz darohu.
Zhodna z paviedamleńniem MUS, znajšli Lipskaha z dapamohaj rasijskich siłavikoŭ praz baćku, jaki na toj momant pracavaŭ u Rasii.
Alaksandra Lipskaha zastrelili padčas zatrymańnia. Pakazali i schron, u jakim chavaŭsia chłopiec. Što stała ź jaho maci, nie paviedamlajecca, ale, padobna, jany nie byli razam.
«Naša Niva» — bastyjon biełaruščyny
PADTRYMAĆ«Likvidavany». U balnicy pamior chłopiec, jakoha siońnia zatrymali za zabojstva. Jon chavaŭsia razam z maci try hady
Što viadoma pra dziŭnuju historyju ŭ Sierabrancy? Śviedka: «Pačulisia kryki «Zabivajuć!»
U Minsku za akt teraryzmu i zabojstva buduć sudzić 18-hadovaha chłopca — akaličnaści spravy nieviadomyja
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje88
Kamientary