Siłaviki zatrymali 10 čałaviek, jakija pradavali miesca ŭ čarzie na miažy. Niekatorych kłali tvaram u asfalt
HUBAZiK, padatkaviki i pahraničniki pravodziać rejdy ŭ čarzie pierad pahranpierachodam u Breście.
Siłaviki zatrymali jak minimum dziesiać čałaviek, jakija zajmalisia prodažam miescaŭ u čarzie na miažy z Polščaj.
U rejdzie ŭdzielničajuć supracoŭniki HUBAZiKu, padatkovaj inśpiekcyi, pahrankamiteta i milicyi hramadskaj biaśpieki. Miarkujučy pa videa, apublikavanym u kanałach siłavikoŭ, niekatorych pradaŭcoŭ miescaŭ zatrymlivali, jak palityčnych — hrupa zachopu ŭkładvała ich tvaram u asfalt.
Adzin z zatrymanych, ležačy na asfalcie, skazaŭ siłavikam, što chadziŭ pamiž mašynami, bo šukaŭ kata.
U dalejšym zatrymanyja raskazvajuć na videa, što zajmajuć miescy ŭ čarzie na svajoj mašynie i biaruć za pasłuhi 200-300 rubloŭ. Niekatoryja taksama dapamahajuć prajazdžać pa lhotnaj čarzie, padsadžvajučy ŭ aŭtamabil čałavieka ź ilhotaj.
Usiaho z pačatku leta na miažy da adkaznaści za roznyja parušeńni pryciahnuty bolš za paŭtary tysiačy čałaviek, uklučajučy vadzicielaŭ, viełasipiedystaŭ i piešachodaŭ, infarmujuć siłaviki.
«Zabrali jaho. Nie kinieš ža, usio ž taki naš čałaviek». Łukašenka vykazaŭsia pra Statkieviča17
«Zabrali jaho. Nie kinieš ža, usio ž taki naš čałaviek». Łukašenka vykazaŭsia pra Statkieviča
«U vyniku jon skazaŭ mnie: «Chopić mianie šantažavać, ja chaču palubavacca hetymi drevami». Aksana Kołb raskazała, pra što razmaŭlała sa Statkievičam na miažy88
Kamientary