Zamiena pašparta ŭ Biełarusi: što treba viedać i jak chutka vydajuć dakumient

Zvyčajny pašpart

Kab zamianić zvyčajny pašpart hramadzianina Biełarusi, nieabchodna źviarnucca ŭ raźlikova-kasavy centr abo ŭ padraździaleńnie pa hramadzianstvie i mihracyi.

Zamiena pašparta ŭ zvyčajnym paradku zajmaje adzin miesiac i kaštuje 1 bazavuju vieličyniu (40 rubloŭ na ciapierašni momant).

Vyrab pašpartu ŭ paskoranym paradku zajmaje dva tydni i kaštuje 2 bazavyja (80 rubloŭ).

Žycharam Minska i ŭsich abłasnych centraŭ taksama dastupny taki varyjant, jak vyrab dakumienta ŭ terminovym paradku (da 7 dzion). Takoje paskareńnie kaštuje 3 bazavyja (120 rubloŭ).

Dzieciam da 14 hadoŭ pašpart robiać biaspłatna za vyklučeńniem, kali zajaŭnik choča atrymać dakumient u paskoranym abo terminovym paradku.

Dla zamieny pašparta nieabchodnyja:

• zajava;
• stary pašpart;
• 4 kalarovyja fatahrafii pamieram 40x50 mm;
• paśviedčańnie ab naradžeńni dziciaci (kali jość dzieci da 18 hadoŭ);
• paśviedčańnie ab rehistracyi šlubu;
• paćviardžeńnie apłaty.

Pavialičyć

Kamu i kali treba mianiać pašpart

Hramadzianie Biełarusi, jakija dasiahnuli 14-hadovaha ŭzrostu, abaviazany mieć pašpart abo ID-kartku. Da 14 hadoŭ dziciaci dastatkova mieć paśviedčańnie ab naradžeńni, kali jon nie źbirajecca vyjazdžać za miežy krainy.

Dzieciam va ŭzroście da 14 hadoŭ pašpart vydajuć terminam na 5 hadoŭ.

Padletkam i darosłym va ŭzroście ad 14 da 64 hadoŭ pašpart vydajuć terminam na 10 hadoŭ. 

Pa dasiahnieńni 64-hadovaha ŭzrostu, pašpart vydajuć terminam dziejańnia da 99 hadoŭ. Ale pažyłym ludziam varta pamiatać, što čaściej za ŭsio dla atrymańnia vizy i vyjezdu za miažu treba mieć pašpart, nie starejšy za 10 hadoŭ.

Achvotnym atrymlivać vizy inšych krain lepiej zamianiać pašpart za hod da terminu jaho zakančeńnia.

Bijamietryčny pašpart i ID-karta

Pačynajučy z 2021 hoda, naroŭni sa zvyčajnymi pašpartami ŭ Biełarusi pačali vydavać ID-kartki i bijamietryčnyja pašparty.

Pracedura atrymańnia bijamietryčnych dakumientaŭ krychu adroźnivajecca ad atrymańnia prostaha pašpartu.

Pa-pieršaje, źviartacca pa jaho možna tolki ŭ padraździaleńnie pa hramadzianstvie i mihracyi. 

Pavialičyć

Terminy vyrabu i košt taksama adroźnivajucca da standartnaha pašpartu.

Vydača abo abmien ID-karty kaštuje 1,5 bazavaj vieličyni (60 rubloŭ). Dzieciam da 14 hadoŭ — biaspłatna.

Standartny termin vyrabu ID-karty i bijamietryčnaha pašparta — 15 dzion. Paskorany — 10 dzion, a terminovy — 5 dzion. Za paskorany vyrab treba dapłacić 1 bazavuju (40 rubloŭ), za terminovy — 2 bazavyja (80 rubloŭ).

Dzieciam da 14 hadoŭ pašparty abo ID-karty vydajuć na 5 hadoŭ. Dla ludziej, starejšych za 14 hadoŭ, termin dziejańnia abodvuch dakumientaŭ — 10 hadoŭ.

Jakija pieravahi majuć bijamietryčnyja dakumienty?

U adroźnieńnie ad zvyčajnych pašpartoŭ, zakanadaŭstva dazvalaje mieć adrazu dva dziejnyja bijamietryčnyja pašparty, što moža być zručnym dla tych, chto zdaŭ pašpart na atrymańnie vizy i maje patrebu ŭ hety čas vyjechać za miažu.

Pry najaŭnaści ID-kartki kiroŭca moža nie mieć pry sabie paśviedčańnie kiroŭcy.

Nahadajem, što z 5 vieraśnia 2023 hoda zamianić pašpart možna tolki na terytoryi Biełarusi. Raniej biełarusy, jakija stajali na konsulskim uliku ŭ inšych krainach, mahli rabić pašpart u ambasadach i konsulstvach.

• 3
• 2
• 1
• 2
• 2
• 0
• 0
• 0