Pieryjad zatrymańnia moža doŭžycca da 96 hadzin, paśla sudździa albo vystavić abvinavačvańni, albo prymie rašeńnie ab jaho vyzvaleńni.
Sud u Francyi padoŭžyŭ utrymańnie pad vartaj zasnavalnika Telegram Paŭła Durava da 96 hadzin, paviedamlaje AFP sa spasyłkaj na krynicu, blizkuju da rasśledavańnia.
Biznesoŭca zatrymali viečaram 24 žniŭnia ŭ francuzskim aeraporcie Lo-Burže, kudy jon prylacieŭ z Azierbajdžana. Durava zapadozryli ŭ dačynieńni da abarotu narkotykaŭ, teraryzmu, złačynstvaŭ suprać dziaciej i machlarstva z-za taho, što jon nie supracoŭničaŭ z uładami Francyi i admaŭlaŭsia ŭdzielničać u maderacyi kantentu.
U Paryžskaj prakuratury nie stali davać kamientaroŭ, ale paabiacali vypuścić zajavu dla presy ŭ paniadziełak, 26 žniŭnia.
Upraŭleńnie pa spravach niepaŭnaletnich (Office mineurs, OFMIN, znachodzicca ŭ padparadkavańni Nacpalicyi) vydała ordar na pieratrus u zasnavalnika Telegram, rasśledavańnie było daručana Nacyjanalnamu kibier-padraździaleńniu žandarmieryi i Nacyjanalnamu biuro pa baraćbie z machlarstvam.
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy74
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
Kamientary